ამერიკელმა სტუდენტმა რაიან გიერამ (Ryan Guerra) შექმნა მოწყობილობა, რომელიც გადასცემს WiFi-სიგნალს 1600 მეტრზე უფრო მეტ მანძილზე.
თვითნაკეთი კონსტრუქცია, რომელიც ფოტოზეა გამოსახული, შედგება ჩვეულებრივი WiFi ადაპტერისგან, კომპიუტერისაგან Linux-ის მართვის ქვეშ და ექსპერიმენტული კონვერტორით, რომელიც ამცირებს სიხშირეს 2,4 გიგაჰერციდან (არხის სიგანე 20 მეგაჰერცი) 560 მეგაჰერცამდე (სატელევიზიო არხი, 5 მეგაჰერცი სიგანით). გამოსასვლელში კონვერტერზე მიერთებულია ჩვეულებრივი ანტენა, რომელის შეიძლება სახლის გარეთაც დამონტაჟდეს.
ამ ანტენას გაშლილობის დიაგრამა 60°-მდე აქვს ჰორიზონტალურ სიბრტყეში, ამიტომაც სიგნალის მიღებას შეძლებს ყველა ის ვინც მოხვდება ამ სექტორში. გამომდინარე იქიდან რომ არხის სიგანე ოთხჯერ შემცირდა 20 მეგაჰერციდან 5-მდე, პროპორციულად შემცირდება ინფორმაციის გადაცემის სიჩქარეც, რაც ბუნებრივია.
როგორც ცდებმა აჩვენა, სიხშირის შემცირება უზრუნველყოფს სიგნალის უკეთეს მიღებას ცუდი ხედვის პირობებში, მაგ: ხეების ხშირ ფოთლებში. რეალურ პირობებში სიგნალი წარმატებით ტრანსლირდებოდა 1600 მეტრზე მეტ მანძილზე, არაპირდაპირი ხედვის პირობებში. რა თქმა უნდა, იმისათვის რომ ტექნოლოგიამ იმუშაოს, საჭიროა ორივე მხარეს გვქონდეს ერთნაირი მიმღებ-გადამცემები.
უნდა აღინიშნოს, რომ რაიან გიერა არ არის ჩვეულებრივი სტუდენტი, არამედ არის უნივერსიტეტის კვლევითი ჯგუფის მონაწილე, რომელმაც გასულ წელს მოიგო ა.შ.შ-ს სამეცნიერო საოგადოების გრანტი 1,8$ მლნ ტენოლოგიის შექმნისთვის რომელიც საშუალებას იძლევა გადაიცვეს ინფორმაცია გამოუყენებელ სიხშირეებზე ტელეარხებს შორის ე. წ. white spaces.
ეს არ არის პირველი მცდელობა, როცა გამოიყენება ტელესიხშირეები ინფორმაციის გადასაცემად. ორნახევარი წლის წინ ამერიკის ერთ პატარა ქალაქში ქოლდვილი (ვირჯინიის შტატი) შეიქმნა საქალაქო ქსელი გამოუყენებელ ტელესიხშირეებზე, რომელიც ითვლება პირველ პროექტად მთელს მსოფლიოში, რომელსაც კომპანიები Microsoft და Dell კურირებდნენ.
ასეთ სისტემაში ყველაზე ძნელია, სიხშირეების კოორდინაცია ყველა გადამცემი მოწყობილობისათვის, რომ მათ ერთმანეთს არ შეუშალონ ხელი. თუ გამოვიყენებთ WiFi სტანდარტის შესაბამის სისტემას Carrier Sense Multiple Access (CSMA), ბევრი მოწყობილობის ერთდროული მუშაობისას საგრძნობლად დაეცემა ქსელის გამტარუნარიანობა. შესაძლოა ახალი ქსელისთვის ახალი პროტოკოლიც შექმნან, რაზეც უკვე დიდი ხანია მუშაობს კომპანია Microsoft)
IEEE 802.22
