დღეს, თბილისის დროით 6:00-ზე ჩატარდა Google-სა და Samsung-ის ერთობლივი ღონისძიება სადაც წარმოდგენილ იქნა ახალი ფლაგმანი და ოპერაციული სისტემა.

მოდით მოკლედ განვიხილოთ შემდეგი თაობის ნექსუსი – Galaxy Nexus:

                                                                                        Android 4.0 

Android 4.0, Ice Cream Sandwich არის სრულიად ახალი დიზაინისა და მოწყობის Android ოპერაციული სისტემა. ჩაკეტილი ეკრანი, ვიჯეტები, შეტყობინებები, მრავალამოცანიანობა და ყველაფერი განახლდა და გახდა მარტივი, ლამაზი და უფრო ჭკვიანი.

                                                                                     სახით გახსნა

სახით გახნა ნიშნავს იმას, რომ თქვენს Galaxy Nexus-ს გახსნით ერთი გაღიმებით. არანაირი რთულად დამახსოვრებადი პაროლი, უბრალოდ შეხედეთ ტელეფონს თვალებში.

                                                                                      Android Beam

თქვენ მარტივად შეძლებთ გაუზიაროთ კონტაქტები, საიტები, პროგრამები, რუქები, მიმართულებები და YouTube-ის ვიდეოები ყველას თქვენს გარშემო. უბრალოდ მიუახლოვეთ ერთმანეთს NFC-ს მქონე ანდროიდ მოწყობილობები და შეახეთ, რომ გადასცეთ ინფორმაცია.

                                                                                                         ხმით ბეჭდვა                                                                                             

ხმით ბეჭდვისას თქვენ შეძლებთ დაინახოთ თქვენს მიერ წარმოთქმული ტექსტი. დააჭირეთ მიკროფონს კლვიატურაზე და თქვენი საუბრის მეშვეობით აკრიფეთ და გააზავნეთ SMS, email ან უბრალოდ ტექსტი, რომლის აკრეფაც გსურთ.

                                                                                            Google+

Google+-ის საშუალებით საჭირო ინფორმაციის საჭირო ხალხთან გაზიარება გაცილებით მარტივი იქნება. Messenger-ის საშუალებით შეძლებთ მეგობრების ჯგუფთან ერთად ისაუბროთ და მოაწყოთ ჰენგაუთები ვიდეო ჩატების საშუალებითაც 9 მონაწილეს შორის.

                                                                                                              პანორამული კამერა
                                                                                                      

Galaxy Nexus-ს აქვს მაღალი ხარისხის კამერა დიაფრაგმის ნულოვანი დაგვიანებით, ავტომატური ფოკუსით, საუკეთესო გადაღებით ღამის პირობებში და მარტივი, ინტუიციური ინტერფეისით. შეგიძლიათ გადაიღოთ პანორამული სურათები შემდგომი შეწებების გარეშე. გადაიღეთ შესანიშნავი ფოტოები და 1080p ვიდეო, დაარედაქტირეთ და გაუზიარეთ ყველას პირდაპირ თქვენი ტელეფონიდან.

                                                                                          ეკრანი

Galaxy Nexus-ს აქვს მსოფლიოში პირველი 4.65 დიუმიანი მაღალი-გარჩევადობის SuperAMOLED ეკრანი, რაც იდეალურია ტექსტის ვიდეოსა და თამაშებისთვის. ეკრანის გარჩევადობა არის 720p, ვიდეო გამოიყურება უნიკალურ ზომაში და ფერებში, ხოლო მოწყობილობის ოდნავ მრუდე დიზაინი ყურებისას ყველაზე კომფორტულია თქვენს ხელში.

                                                                                      სისწრაფე და 4G

Galaxy Nexus მუშაობს 4G (LTE ან HSPA+) სიჩქარეებზე, თქვენ შეგიძლიათ ინტერნეტით უყუროთ ფილმებს, ისაუბროთ ვიდეო ჩატის გამოყენებით. 1.2 გიგაჰერციანი ორ ბირთვიანი პროცესორი უზრუნველყოფს მაღალი ხარისხის თამაშებს და სწრაფ ვებ-ბრაუზინგს.

იხილეთ ვიდეო:

იხილეთ ღონისძიების სრული ვიდეო

წყარო: Google