ფარნბოროს საერთაშორისო აეროკოსმოსურ შოუზე (19–25 ივლისი, დიდი ბრიტანეთი) ამერიკულმა კომპანიამ Raytheon–მა წარმოადგინა ჰაერსაწინააღმდეგო კომპლექსის Laser Weapons System–ის (LaWS) გამოცდის ვიდეო ჩანაწერი.

ჰაერსაწინააღმდეგო და რაკეტსაწინააღმდეგო სისტემა Phalanx Close-in Weapon System–ის დახმარებით (CIWS; რომელიც ასევე აწარმოებს ავტომატურ, რადიოლოკაციურად მართვად ტყვიამფრექვევ გატლინგს), რომელიც ასევე მის მიერ არის წარმოებული, იარაღი ფოკუსირებს მიზანზე და შემდეგ აცხელებს მის ქვედა ნაწილს ექვსი ლაზერის საშუალებით. ვიდეო რგოლზე ჩანს, ხომალდის გემბანიდან თუ როგორ იღებს დარტყმას, კარგავს წონასწორობას და ვარდება უპილოტო თვითმფრინავი.

ტესტირების დროს, გამოცდამ «შეიწირა» სამი მფრინავი აპარატი.  ჯერჯერობით ინფორმაცია იმის შესახებ, თუ რა სიმაღლით და სიჩქარით მფრინავი დრონის ჩამოგდება შეუძლია ლაზერს უცნობია, თუმცა არსებობს სამი მიზეზი რის გამოც ღირს ამ აპარატით აღფრთოვანება.

პირველ მიზეზი — ეს არის მყარი ლაზერი და არა ქიმიური, რაც უზრუნველყოფს არტილერისტების უსაფრთხოებასა და ამცირებს ენერგომოხმარებას. გარდა ამისა, მისი მოცულობა ძალიან მცირეა და ამიტომ მოხერხებულია ხომალდზე ან სატვირთო მანქანაზე დამაგრება.

მეორე მიზეზი — მყარი ლაზერი გაცილებით სუსტია ქიმიურთან შედარებით, ხოლო ტენიანი ზღვის ჰაერი მხოლოდ ართულებს ამ პრობლემას. ის ფაქტი, რომ აპარატმა შეძლო მუშაობა სერიოზული მიღწევაა. რა თქმა უნდა მიწაზე LaWS–ის (მსგავსი პროექტები უკვე აქვთ მწარმოებლებს — Silent Guardian Protection System, Vigilant Eagle Airport Protection System და Scorpion Directed Infrared Countermeasures system) ეფექტურობა ბევრად დიდი იქნება.

…და ბოლოს — Raytheon–მა წარმოადგინა აპარატი, რომელმაც შეძლო მოძრავი სამიზნის ჩამოგდება.

სხვათა შორის, გასულ წელს კომპანია Boeing–მა წარმატებით გამოცადა თავისი რაკეტსაწინააღმდეგო თავდაცვითი ლაზერული სისტემა Mobile Active Targeting Resource for Integrated Experiments (MATRIX). თუმცა, როგორც ჩანს Raytheon-ტექნოლოგია შედარებით გაუმჯობესებული და მობილურია.

კომპანია იუწყება, რომ პენტაგონი უკვე დაინტერესდა ამ პროექტით.

ვიდეო რგოლი, რომელიც გადაღებულია წმინდა ნიკოლოზის კუნძულზე, ლოს–ანჯელესიდან 120 კმ–ით დასავლეთით:

წყარო Popular Science, BBC და Raytheon.

ამ პროექტზე მუშაობენ ამერიკელი მეცნიერები DARPA-დან (Defense Advanced Research Projects Agency). მათი მიზანია წყალქვეშა ნავის შექმნა,რომელსაც ფრენა შეეძლება.

დღსდღეობით არსებული ინფორმაციით, ამ პროექტის შექმნის გეგმა ჯერ კიდევ 2008 წელს არსებობდა.  ახლახან კი ამ პროექტის თავიანთი ვარიანტი სხვადასხვა გამომგონებლებმა წარმოადგინეს.

იმის მიუხედავად, რომ ჰიდროდინამიული და აეროდინამიული პრინციპები ბევრ რამეში ერთმანეთს გავს, მეცნიერებს ჯერ კიდევ მრავალი პრობლემის გადაჭრა მოუწევთ. საფრენი აპარატი მაქსიმალურად მსუბუქი უნდა იყოს, იმიტომ რომ მან შეძლოს წყლის ზედაპირზე ამოსვლა და შემდეგ აფრენა. ასევე მისი კორპუსი ძალიან მყარი და მოქნილი უნდა იყოს, რომ გაუძლოს წყლის წნევას სიღმეში.

მწარმოებლის, Graham Hawkes-ის განცხადებით, — “დასახული მიზნების რეალიზაციისთვის უნდა გამოვიყენოთ თანამედროვე კომპოზიტური მასალა, რომელიც ნახშირბადითაა წარმოებული. ასეთ მასალას აქვს საკმარისი გამძლეობა და არ აქვს დიდი წონა”. ჰოუკსმა უკვე შექმნა მფრინავი წყალქვეშა ნავის პროტოტიპი. თავის ქმნილებას მან “Super Falcon” დაარქვა. ინჟინერი დარწმუნებულია, რომ თუ აპარატს დაუმაგრებს დიდი ზომის ფრთებს და რეაქტიულ ძრავს, “Super Falcon” ჰაერში განავითარებს 900კმ/სთ სიჩქარეს ხოლო წყალქვეშ 18კმ/სთ.

მთავარი პრობლემა ისაა, თუ როგორ მოახერხონ ისე, რომ ეს აპარატი სწრაფად ჩავიდეს წყალში. ჰოუკსმა განაცხადა — ” მაგალითი ჩიტებისგან უნდა ავიღოთ, რომლებიც ყვინთავებ ნადირობისას”.

ასევე ჯერ კიდევ გადასაწყვეტია თუ რა იქნება აპარატის ენერგიის წყარო წყალქვეშ მოძრაობისას, რადგან წყალქვეშ რეაქტიული ძრავის გამოყენება საშიშია, ტემპერატურის მკვეთრი ცვლილების გამო შეიძლება მწყობრიდან გამოვიდეს. ალტერნატიული ვარიანტია ელემენტები, რომლებიც დაცლისას თავიდან იტენება. აკუმლატორის იდეაც არსებობდა მაგრამ ამ შემთხვევაში დიდი წონის პრობლემაა და არასაკმარისი ტევადობა.

მფრინავი წყალქვეშა ნავების გამოყენება იგეგმება მტრის გემების დასაზიანებლად და ასევე სანაპიროსთან ახლო სამიზნეების გასანადგურებლად.

გამოყენებულია newscientist.com-ის მასალები.

შეერთებული შტატების არმიამ და ცენტრალურმა სადაზვერვო სამსახურმა გააფართოვეს უპილუტო საფრენი აპარატების (DRONES) მოქმედების სფერო პაკისტანში.

თუ წინათ სპეცსამსახური მათ იყენებდა მხოლოდ მაშინ, როცა ტერორისტების ზუსტი ადგილსამყოფელი იყო ცნობილი, ამიერიდან დრონებს შეუძლიათ შეუტიონ ყველა ეჭვმიტანილ პირს, მაშინაც კი, როცა მათი სახელიც არ არის ცნობილი (ესენი შეიძლება იყვნენ ინსტრუქტორები, რიგითი ჯარისკაცები ან ნებისმიერი საეჭვო პიროვნება იარაღით ხელში). ვიდეოკამერიდან მიღებული მასალის კარგად შესწავლის შემდეგ, ხორციელდება რაკეტების დისტანციური გაშვება.

უნდა აღინიშნოს, რომ აშშ აწარმოებს სამხედრო ოპერაციებს პაკისტანში, რადგან ეს ქვეყანა წარმოადგენს ტერორისტების ბაზას, რომლებიც შემდეგ გადადიან ავღანეთში, სადაც ჯარისკაცებს არ უშვებენ, მხოლოდ დრონებს.

რობოტიზირებული ჯარისკაცების სტრატეგია, როგორც იუწყებიან, შეიქმნა ბუშის ადმინისტრაციის მიერ, 2008 წლის ბოლოს, მას სრულად დაუჭირა მხარი ახალმა პრეზიდენტმა, რომელიც ცდილობს ბრძოლებში რაც შეიძლება ნაკლები ცოცხალი ძალა დაკარგოს.

საბრძოლო დრონების გამოყენება პაკისტანში დაიწყო 2004 წელს. ადამიანის ულებათა დამცველი ორგანიზაციების აღრიცხვით, ამ წელს დრონების მიერ მოკლულთა 30%-ს შეადგენდა  უდანაშაულო პირები. ხელისუფლების შეფასებით ეს ციფრი ბევრად დაბალია, რადგან უბრალო მოქალაქეები სამიზნესთან რჩებოდნენ საკუთარი სურვილით.