დღეს გამოვიდა Opera-ს განახლებული ვერსია ნომრით 10.51 Windows პლატფორმისათვის. მიმდინარე რელიზში აღმოიფხვრა უსაფრთხოების ბაგი, რომელიც 10.50 ვერსიაში აღმოაჩინეს თითქმის ახლა ასევე გამოასწორეს შეცდომების უმრავლესობა, რისთვისაც დიდ მადლობას უხდიან მომხმარებლებს, რომლებმაც აქტიურად შეატყობინეს დეველოპერებს შეცდომების შესახებ. ცვლილებათა სრული სია შეგიძლიათ იხილოთ ბმულზე.

ამის გარდა ოპტიმიზაცია გაუკეთდა Carakan ძრავს, რის შედეგადაც 20%-ით გაიზარდა Javascript-ის დამუშავების სიჩქარე. ასევე ჩასმულია ავტომატური განახლების სისტემა, რომელიც წინა ვერსიებიდან განახლებას ძალიან გაამარტივებს. Opera 10.51-ის გადმოწერა შესაძლებელია მისი ოფიციალური ვებ-საიტიდან. MAC და Linux ვერსიები ცოტა მოგვიანებით გამოვა.
დამატებით ინფორმაციისათვის იხილეთ შემეგი ბმულები:
Opera Desktop blog
Choose Opera

2 მარტს, სამშაბათს, ოპერამ მისი ინტერნეტ მეგზურის ახალი ვერსიის გამოშვების შესახებ ამცნო მსოფლიოს. საუბარია Opera 10.5 ვერსიაზე, როგორც კომპანიაში იუწყებიან windows – ის ოპერაციული სისტემისათვის ეს არის დღემდე არსებულ ყველაზე სწრაფი ინტერნეტ ბრაუზერი, რომელიც გამოირჩევა დახვეწილი დიზაინითა და პრივატული ბრაუზინგის ფუნქციით. კიბერსივრცეში მისი გამოჩენა დაემთხვა Microsoft-ის მიერ ევროპელი მომხმარებლებისათვის ე.წ. „საარჩევნო ყუთის“ შემოთავაზების იდეას.

„Opera 10.50 უსწრაფესი ბრაუზერია, რომელმაც წარმატებით გაიარა სიჩქარის შესამოწმებელი ყველა ტესტი“ – განაცხადა კომპანიის აღმასრულებელმა დირექტორმა პროგრამული უზრუნველყოფის საკითხებში ლარს ბოილსენმა. ის იყენებს ახალი  JavaScript -ის  ძრავს Carakan და უახლეს გრაფიკულ ბიბლიოთეკას Vega-ს, რათაც იგი ხდება უსწრაფესი windows – ის პლათფორმისათვის. სხვათაშორის, Google Chrome აცხადებს პრეტენზიას იგივე ტექნოლოგიაზე.

აღსანიშნავია, რომ Opera 10.5 სამშაბათიდან მილიონობით ევროპელი მომხმარებლის ეკრანზე უკვე გამოჩნდა Microsoft – ის მიერ შემოთავაზებული ე.წ. „საარჩევნო ყუთის“ მეშვეობით, ხოლო ამჟამინდელი მონაცემებით მას მსოფლიო ბრაუზერების ბაზრის 1, 78% აქვს ათვისებული, ამ მაჩვენებლით ის მნიშვნელოვნად ჩამორჩება Microsoft-ის ინტერნეტ ექსპლორერს.

პირველი, თვალშისაცემი ცვლილება ბრაუზერში არის მისი განსხვავებული ინტერფეისი და მენიუს ზოლში ჩამატებული ახალი ღილაკები, რამაც ჩაანაცვლა ე.წ. „ტრადიციული ინტერფეისი“. ახალი გვერდის (ჩანართის) გასხნა კი ძალიან წააგავს  Google Chrome -ში ანალოგიური ოპერაციის შესრულებას. მასში ასევე გათვალისწინებულია ინტეგრაცია windows 7 – ის ოპერაციული სისტემის ინტერფეისთან: Aero Glass, Aero Peek, და Jump – თან.

განსხვავებით Google Chrome – სა და Apple Safari – საგან ის მომხმარებლს „პრივატულად“ (ფარულად) მუშაობის საშუალებას აძლევს, „წინდაუხედავი“ ნაბიჯი კი ალბათ ის არის, რომ ეს ვერსია ხელმისაწვდომი არ არის Linux და Macintosh – ის ოპერაციული სისტემითვის, თუმცა ოფოციალურ ვებ-გვერდზე დაყრდნობით სხვა ოპერაციული სისტემიბისათვის ხელმისაწვდომი Opera 10.5 „მალე გამოვა“.

გამომყენებულია: http://www.pcworld.com/ მასალები.