კომპანია nVidia აფართოებს კომპიუტერის აქსესუარების ასორტიმენტს, 3D Vision ტექნოლოგიის მხარდაჭერით, რომელიც მუშაობის საშუალებას იძლევა 3D-კონტენტთან.

ივნისის ბოლოს nVidia დაიწყებს, ახალ აქტიურ 3D-სათვალის გაყიდვას. აღსანიშნავია, რომ 3D Vision Wired Glasses კომპიუტერს უერთდება სამმეტრიანი კაბელით USB ინტერფეისის მეშვეობით. სტანდარტული უკაბელო სათვალეებისგან განსხვავებით, სიახლე გამოირჩევა ნაკლები მასით და კვებისთვის არ საჭიროებს ელემენტს.

3D Vision Wired Glasses-ის ღირებულება არის $99, რაც უკაბელო სათვალეზე $50-ით ნაკლებია. აქსესუარი თავსებადია 65 სხვადასხვა მოდელის მონიტორთან, პორტატულ კომპიუტერებთან და პროექტორებთან.

nVidia ვარაუდობს, რომ კაბელიანი სათვალეების გამოჩენა გაზრდის 3D Vision პლატფორმის პოპულარობას.

გამოყენებულია nVidia-ს მასალები.