Windows 8–ის, სხვადასხვა ტიპის, ექსპერიმენტალური ინტერფეისი.

ალბათ ძალიან ბევრს აინტერესებს, თუ როგორი იქნება Microsoft–ის ახალი ოპერაციული სისტემა. მიუხედავად იმისა, რომ ამ OS-ზე ოფიციალური ინფორმაცია პრაქტიკულად არ არსებობს, სხვადასხვა ინტერნეტ–რესურსებიდან თავი მოვუყარე რამდენიმე დეტალს, რომელიც Windows 8-ს ეხება. მოკლედ: ვებ–წყაროებმა, უკვე, დაიწყეს ინფორმაციის გავრცელება დამუშავების პროცესში მყოფ ოპერაციული სისტემის განსაკუთრებულობებზე.

როგორც იუწყებიან, Windows 8–ში ინტეგრირებული იქნება დოკუმენტების PDF ფორმატში დათვალიერების საშუალება, ასევე Windows Live–ის ონლაინ სერვისები და გამოჩნდება ინფორმაციის სარეზერვო კოპირების ინსტრუმენტი History Vault.

აღნიშნავენ, რომ Windows 8 მიიღებს კომპიუტერის ძილის რეჟიმში გადაყვანის გაუმჯობესებულ ფუნქციას, რომლის აქტივაციას, მხოლოდ, რამდენიმე წამი დასჭირდება.

Windows 8 გახდება Microsoft–ის პირველი OS პერსონალური კომპიუტერებისთვის, რომელსაც ARM–არქიტექტურის х86 პროეცესორების მქონე პლატფორმების მხარდაჭერა ექნება. ასევე, ინტერფეისის რამდენიმე დეტალი Windows Phone 7–დან იქნება «ნასესხები».

ჯერჯერობით სულ ეს არის…

ფინალური ვერსიის რელიზი 2012 წლის მეორე ნახევრისთვის არის დაგეგმილი.