Android-ის წილი, სმარტფონების ამერიკულ ბაზარზე, 40 პროცენტს უახლოვდება

TheHotGadget.com–ის ფოტო.

კომპანია comScore–მ ფიჭური აპარატების ამერიკული ბაზრის აპრილის მონაცემები გამოაქვეყნა.

მობილური ტელეფონი ან სმარტფონი 13 წელს გადაცილებულ 234 მლნ ამერიკელს აქვს. როგორც აღმოჩნდა, ა.შ.შ–ში ყველაზე დიდი პოპულარობით Samsung–ის მოწყობილობები სარგებლობს: მისი წილი 24,5%–ს შეადგენს. LG Electronics და Motorola რეიტინგში მეორე და მესამე ადგილს ინაწილებენ, რომლებიც, შესაბამისად, ბაზრის 20,9 და 15,6%–ს ფლობენ. შემდეგ მოდიან Apple (8,3%) და Research In Motion (8,2%).

სმარტფონით სარგებლობს 74,6 მლნ ამერიკელი. ოპერაციული სისტემა Google Android დაყენებულია კომუნიკატორების 36,4%–ში; რიგით მეორე, ყველაზე გავრცელებული OS — Apple iOS, ბაზრის 26,0%. მესამე ადგილს არავის არ უთმობს Research In Motion (25,7%), ხოლო რაც შეეხება Microsoft–სა და Palm–ს, ისინი ბაზრის 6,7 და 2,6%–ს დასჯერდნენ.

და ბოლოს, საინტერესო ინფორმაცია სტატისტიკის მოყვარულთათვის: მობილური ქსელის, დაახლოებით, 70% აგზავნის SMS-ებს, 39% იყენებს ბრაუზერს, 18% უარს არ ამბობს თავისი პორტატული მოწყობილობით მოუსმინოს მუსიკას, თამაშებს აბონენტთა 26% უთმობს დროს, ხოლო 28% შედის სოციალურ ქსელში.

წყარო: comScore

Leave a Reply

Your email address will not be published. Required fields are marked *