ორიგინალური აპარატის ფასი შეადგენს 100 ათას დოლარს, რომელიც შეიცავს ორკვირიანი სწავლების კურსს.

ჰაერში გადაადგილების ამ არაორდინალურ საშუალებას Martin Jetpack, მისი გამომგონებლის ახალ ზელანდიელი გლენ მარტინის გამო დაერქვა, პირველად აპარატი 2008 წელს აჩვენეს. ხოლო მიმდინარე წლის მაისში შედგა მნიშვნელოვანი გამოცდები, რომელზეც შემოწმდა აპარატის თვისებები და მისი უსაფრთხოების სისტემა.

მართალია Martin Jetpack გარეგნულად რეაქტიულ აპარატს გავს, მაგრამ ის მოძრაობის სხვა პრინციპს იყენებს: ჰაერში მას ორი პროპელერი წევს, რომლებიც ენერგიას ძრავისაგან იღებენ, რომლის სიმძლავრეც 200 ცხენის ძალაა. სიმძლავრე ყოფნის 100 კმ/სთ-მდე ასაჩქარებლად, ხოლო მაქსიმალური სიმაღლე 2,5 კმ-ს შეადგენს. გადაადგილების მანძილი — 50 კმ.

პროტოტიპის დემონსტრაციის მომენტიდან შეიცვალა მხოლოდ მართვის სისტემა. ეხლა ბრძანების გადაცემისათვის ტროსების მაგივრად გამოიყენება მართვის ელექტროდისტანციური სისტემა — როგორც თვითმფრინავებში.

ფრენა სტაბილიზირდება ელექტრონული კონტროლის ბლოკებით, რომელიც წარმოებულია Rockwell Collins-ის მიერ, რომელიც ასევე სამხედრო თვითმფრინავებში გამოიყენება. ექსტრემალებისთვის სამწუხაროდ აპარატი არ იძლევა საშიში მანევრების შესრულების საშუალებას, სამაგიეროდ ხსნის ახალ ჰორიზონტებს. მაგალითად მაშველების გუნდს შეუძლია აპარატი დისტანციურად გააგზავნოს ძნელად მისადგომ ადგილას რათა დაზარალებული ავიდეს მასზე და გადარჩეს. ან დაუშვათ, სამხედროები მისი დახმარებით შეძლებენ ავიდნენ უახლოეს ამაღლებაზე და დაამონტაჟონ მობილური საბასო სადგური კავშირის შესანარჩუნებლად.

მაისში წარმატებით ცატარებულმა ექსპერიმენტებმა დაადასტურეს რომ ამ აპარატის გაყიდვაში გამოსვლა უკვე შესაძლებელია. მწარმოებლების თქმით, პროდუქტის კლიენტებისათვის მიწოდება უკვე შემდეგ წელს დაიწყება.

httpvhd://www.youtube.com/watch?v=SHPedpE70Es

გამოყენებულია Popular Science-ის მასალები.