ფიჭურ აპარატებზე მაღალი მოთხოვნის გამო, Samsung–ის ფინანსური მაჩვენებელი სწრაფი ტემპებით იზრდება.

2012 წლის პირველ კვარტალში, სამხრეთ კორეულმა მწარმოებელმა $40,0 მლრდ–ის შემოსავალი მიიღო, რაც 2011 წლის იმავე პერიოდის რეზულტატთან შედარებით 22%–ით მეტია. გარდა ამისა, თითქმის 81%–ით გაიზარდა სუფთა მოგება და რეკორდულ მაჩვენებელს, $4,5 მლრდ–ს მიაღწია.

სამი თვის განმავლობაში კომპანიამ 93,5 მლნ სმარტფონის და ტელეფონის რეალიზება მოახერხა, შედეგად უმსხვილესი ფინური მწარმოებელი, Nokia, 83 მლნ გაყიდული ფიჭურა აპარატით, რიგით მეორე ადგილზე გადაბარგდა.

Samsung–ში აღნიშნავენ, რომ მობილური ტელეფონების განყოფილების მოგება პრაქტიკულად გასამმაგდა და $3,8 მლრდ–ს მიაღწია. საერთო ჯამში რეალიზებული „ყურმილებიდან“, კომუნიკატორების წილი 4,5 მლნ ერთეულს შეადგენს. დღეისათვის „სამსუნგი“ „ჭკვიანი ტელეფონების“ მსოფლიო ბაზრის 30,6%–ს აკონტროლებს.

წყარო: Reuters