ფინური კომპანია Nokia უკვე აღარ გახლავთ მსოფლიოს უდიდესი მოთამაშე, მობილური აპარატების ბაზარზე. 14 წლის მანძილზე, კომპანიამ პირველად დათმო მოწინავე პოზიცია, რითაც პირველობა სამხრეთკორეულ მწარმოებელ Samsung-ს დაუთმო.

წინასწარი შეფასებით, 2012 წლის პირველ კვარტალში, Nokia, 83 მილიონი მობილური ტელეფონი და სმარტფონი გაყიდა. ამავდროულად Samsung-ის გაყიდვებმა 88 მილიონი ერთეული შეადგინა.

1998 წელს, Nokia  გახდა მობილური აპარატების უმსხვილესი მწარმოებელი, ამით მან ამერიკული კომპანია Motorola უკან ჩამოიტოვა. წლების მანძილზე ფინური გიგანტი, ბაზარზე ლიდერობას არ თმობდა, ბიუჯეტური მობილური აპარატების დიდი მოთხონის გამო, თუმცა კი კომპანიის გაყიდვები სტაბილურად მცირდებოდა, რამაც ხელი შეუწყო მის კონკურენტ კომპანიებს.

სმარტფონების სეგმენტში Nokia, უკვე რამოდენიმე კვარტალია პირველი აღარ არის. გასულ წელს, კომპანიის მიერ წარმოებულ  აპარატებზე მოთხოვნა 25%-ით (106,6 მილიონიდან 77,3 მილიონ ერთეულამდე) შემცირდა. საგრძნობი ცვლილებები, არც ახალი სმარტფონების გამოსვლის შემდეგ მომხდარა, რომლებიც აღჭურვილი არიან Windows Phone-ის ოპერაციული სისტემით. ამ მომენტისთვის, სმარტფონების უმსხვილეს მომწოდებლებელთა სიაში, Nokia მესამე ადგილს იკავებს (Samsung-ისა და Apple-ის შემდგომ).

მიმდინარე ოთხშაბათს, Nokia გააფრთხილა საკუთარი ინვესტორები, იმის შესახებ, რომ პირველი და მეორე კვარტლების მიხედვით, კომპანიის მობილური აპარატების დანაყოფი, დანაკარგს აჩვენებს. 2012 წლის განვმალობაში, კომპანიის გადაწყვეტილებით, ევროპაში ტელეფონების აწყობა შეწყდება და მას აზიაში გადაიტანენ. ეს გადაწყვეტილება მიღებულია დანახარჯების შემცირების მიზნით, რადგან კომპანიის მთავარი მომწოდებლები, აზიის რეგიონში არიან კონცენტრირებულნი.

წყარო: reuters.com