როგორც მოსალოდნელი იყო, საძიებო გიგანტის ბოლო კონფერენციაზე წარმოადგინეს Android ოპერაციული სისტემის 4.1 Jelly Bean ვერსია.

ეს ვერსია გათვლილია სილამაზეზე, ფუნქციონალის გაფართოებაზე და სიმარტივეზე. ახალ ვერსიაში გაზრდილია მწარმოებლურობა, გამჯობესებულია ძიება და მოხდა რამოდენიმე საინტერესო ცვლილება.

სამმაგი ბუფერიზაცია

ეს ტექნოლოგია უზრუნველყოფს ინტერფეისის და ვიდეოს მწარმოებლურობას. ინტერფეისის ელემენტები და ანიმაცია მუშაობს 60 კადრი წამში სიხშირით, რაც გაცილებით უკეთესია წინა ვერსიებზე. მაღალსიჩქარიანი კამერით გადაღებული ერთი და იგივე აპარატზე გაშვებულია წინა და მიმდინარე ვესიის ანდროიდი სადაც ნათლად ჩანს აღნიშნული გაუმჯობესება.

ვიჯეტების ჭკვიანური გადაადგილება

ანდროიდის ახალ ვერსიაში გაუმჯობესებულია ვიჯეტებზე მანიპულაციები. ახლა თუ არ არის საკმარისი ადგილი ის თვითონ შეიცვლის ზომას და მოერგება თავისუფალ სივრცეს.

ხმის ამოცნობა

ახლა უკვე ხმის ამოცნობა ინტერნეტთან კავშირის გარეშე ორციელდება, რაც იმას ნიშნავს, რომ ტექსტის აკრეფა ხმით ნებისმიერ დროს იქნება შესაძლებელი.

ავტომატური შევსება და ენების მხარდაჭერა

Jelly Bean-ში მხარდაჭერილია სიტყვების შევსება. როცა ტექსტი შეგყვათ ანდროიდი წინადადების შინაარსიდან გამომდინარე შემოგთავაზებთ შემდეგ სიტყვებს.

ასევე დაემატა სპარსული, ინდური და ტაილანდური ენების მხარდაჭერა გამუჯობესებული არაბულსა და ებრაულთან ერთად.

ფოტოების დათვალიერება

გაუმჯობესებულია გალერეის ფუნქციონალი. ის იმართება ჟესტებით აქვს ლენტის რეჟიმი და ფოტოს წაშლა ხელის ერთი მოძრაობით არის შესაძლებელი.

გაფართოებული შეტყობინებები

ბოლო ანდროიდში შეტყობინებები შეიძლება გაფართოვდეს და წარმოგვიდგინოს დამატებითი ინფორმაცია და მართვის ზოგიერთი ელემენტი. მაგ. თქვე შეძლებთ უპასუხოთ გამოტოვებულ ზარს ან წაიკითხოთ შემომავალი წერილების სათაურები.

ძიება

Jelly Bean-ში ძიება გაუმჯობესდა. ახლა ის უფრო გავს Siri-ს. მას შეუძლია პასუხი გასცეს თქვენს კითხვებს.

Google Now

ასევე წარმოდგენილი იყო ახალი პროდუქტი Google Now, რომელიც საშუალებას იძლევა დავაჯგუფოთ ერთ ადგიულას ყველა მნიშვნელოვანი ინფორმაცია, რომელიც განისაზღვრება თქვენი მიმდინარე მოთხოვნებით და თქვენი მდებარეობის მიხედვით. მაგ. მას შეუძლია გვაჩვენოს მიმდინარე ლოკაციაში არსებული ჩვენთვის საინტერესო ობიექტები ან გვაჩვენოს დროში განსხვავება, თუ სხვა და სხვა სასაათო სარტყელში ვიმყოფებით.

ჭკვიანური განახლება

თუ მანამდე პროგრამის განახლებისას საჭირო იყო მისი ახალი ვერსიის სრულად ჩამოტვირთვა, ახლა მხოლოდ მისი შეცვლილი ნაწილი ჩამოიტვირთება. ამისათვის მწარმოებელს არ მოუწევს არაფრის გაკეთება, ყველაფერი ავტომატურად გამოითვლება სერვერებზე.

Jelly Bean-ის Preview SDK უკვე წარმოდგენილია დეველოერპების პორტალზე, ხოლო განახლება Galaxy Nexus, Nexus S და Xoom -ზე გამოვა ივლისის შუა რიცხვებისათვის.