Gamescom-ის ჩვენებაზე, კომპანია Ubisoft-მა ერთდროულად სამი ახალი თამაში წარადგინა. სამივე მათგანი პირობით-უფასო პროექტი გახლავთ და პირველ რიგში, გათვლილია ქსელში სათამშოდ.

ბრაუზერული სტრატეგიული RPG, Might & Magic Heroes Online — ეს გახლავთ თამაში, ყველასათვის კარგად ნაცნობი გმირებით, თუმცა მრავალმომხმარებლიანი ელემენტებითა და მარტივი სურათით. ვირჩევთ გმირს, ვქმნით არმიას და ვიწყებთ მოგზაურობას ასჰანას ფანტასტიკურ სამყაროში. მთავარი მიზანი — რაც შეიძლება მეტი არტეფაქტების შეგროვება, გარემოს კვლევა და გაბატონებული ბოროტების დამარცხება. სიახლის დამუშავებაზე ორი სტუდია, BlueByte და Related Designs, ზრუნავს.

შემდეგი თამაში, ასევე, Might & Magic-ის სამყაროს მიეკუთვნება; ოთხ მომხმარებელზე გათვლილი კოოპერატიული ექშენ-RPG, Might & Magic Raiders, რომლის რელიზი ზაფხულის ბოლოს შედგება. დღეისათვის მიმდინარეობს პროქტის დახურული ბეტა-ტესტირება. ეს გახლავთ ისტორია, რომელიც Might & Magic Heroes VI-ის სიუჟეტამდე ცოტა ხნით ადრე განვითარდა. ოთხი კლასიდან ერთ-ერთის არჩევის შემდეგ, თქვენ ჩაებმევით „ოც წუთიან ინტენსიურ ბრძოლებში“.

უკანასკნელი თამაში — ეკონომიკური სტრატეგია, Anno Online, რომლის დამუშავებაზე ზემოთ ხსენებული გერმანული სტუდია BlueByte ზრუნავს. მოთამაშეს მოუწევს როგორც ახალი მიწების კვლევა და ათვისება, ასევე საკუთარი ქალაქის განვითარება და სრულყოფა. შესაძლებელია გილდიებისა და იმპერიების გაერთიანება, დაველებებისა და გლობალური მისების შესრულების მიზნით. ბრაუზერული თამაში, სოციალურ ქსელ Facebook-ში, მიმდინარე წლის შომოდგომაზე გამოჩნდება.

ყველა პროექტის საბაზისო ვერსია სრულიად უფასოდ გავრცელდება. ფულის გადახდა მხოლოდ დამატებით კონტენტში და ვირტუალურ ნივთებში მოგვიწევს.

წყარო: VG247