nao-driving-

კალიფორნიაში, ანტროპომორფული რობოტი Nao პირველად დასვეს მინიატურული ავტომობილის საჭესთან

ამ დრომდე, რობოტებისგან არც თუ ისე კარგი მძღოლები გამოსდიოდათ – რობოტიზებული (თვითდასწავლადი) ავტომობილები ამ დავალიებას თავს გაცილებით უკეთ ართმევდნენ. კონკურსზე, რომელსაც ატარებს DAPRA, ასეთი მცდელობები არაერთი იყო აქამდეც, მაგრამ არც ისე წარმატებული, თუმცა Nao ელექტრომობილ BMW Z4 საკმაოდ მარტივად უმკლავდება.

რობოტი საკმაოდ „თავდაჯერებუალად“ მართავს ავტომობილს, აკონტროლებს სიჩქარის მომატებას და დამუხრუჭებას, ასევე უხვევს საჭიროებისამებრ. თუმცა მანქანაც ეხმარება მას ორიენტირებაში: მისი ლაზერული სენსორები ატყობინებს პირდაპირ რობოტის კომპიუტერს გადასალახი ბარიერების შესახებ. სადემონსტრაციო ვიდეოში, Nao მიდის პირდაპირ, სანამ მას გზაზე შეხვდება წინააღმდეგობა. რობოტი თავდაპირველად ცდილობს მის გვერდის ავლას, თუმცა ამ მცდელობის წარუმატებლად დასრულების შემდეგ, იწყებს მოძრაობას უკუმიმართულებით და ცვლის მიმართულებას მანამ, სანამ ისევ არ მიეცემა პირდაპირ მოძრაობის საშუალება.

პროექტის მიზანი Na0-ის ფართო შესაძლებლობების დემონსტრირებაა, როგორც თვითდასწავლადი რობოტის. რობოტი და ელექტრომანქანა ორივე მუშაობს მარტივად გამოსაყენებელ სისტემა Arduino-ზე. ამერიკის მოქალაქეებს უკვე შეუძლიათ ამ სიახლის შეძენა 8 ათას ამერიკულ დოლარად.

წყარო: spectrum