android-iphone

როგორ დავაყენოთ Apple-ის საიმედოდ დაცულ სმარტფონზე Android L-ის დეველოპერული ვერსია? ერთი შეხედვით შეუძლებელი ჩანს, მაგრამ უნივერსიტეტის მკვლევარების მცირე ჯგუფმა ამის გადაწყვეტის გზასაც მიაკვლიეს, რისი დამადასტურებელი ვიდეოც ქვევით შეგიძლიათ ნახოთ.

ძალიანნ ბევრისთვის და ჩემთვის პირადად გამოვიყენო Apple-ის შესანიშნავ აპარატზე Android საოპერაციო სისტემის ფუნქციონალი პრაქტიკულად იდეალური შემოთავზებაა. ეს ის ოცნებაა, რომლის ახდენაც ფაქტიურად არარეალურია, რომ არა ნიჭიერი ადამიანების მონდომება, რომლებმაც შეძლეს Android-ის iPhone-ზე გაშვება.

იდეოზე მაიკ ჰუანგი, რომელიც მიჩიგანის უნივერსიტეტის მკვლევარია, მოკლედ აღწერს Android L Developer Preview-ის მუშაობს iPhone 5S-ზე. ის არც ისე სწრაფად მუშაობს მოწყობილობის 64-ბიტიან A7 პროცესორზე და ამის მიზეზი სწორედ ის ხრიკია, რითაც შესაძლებელი გახდა მსგავსი რამის გაკეთება.

ვიდეოში ჩანს, რომ iPhone-ზე არ არის Android L-ის სისტემური ფაილები ლოკალურად გაშვებული, რადგანაც მხარდაჭერის არქონის გამო ამის გაკეთება შეუძლებელია. ამის ნაცვლად Android გაშვებულია სპეციალურ სერვერზე სტრიმინგ სერვისების მსგავსად.

შთამბეჭდავია და ამავდროულად სახალისოც, თუმცა ყოველდღიურად მისი გამოყენება შეუძლებელია რადგანაც ყოველთვის უნდა იყოთ მიერთებული სერვერზე, რაც ინტერნეტთან მუდმივ მიერთებას საჭიროებს.

წყარო: Cult Of Android