tor-facebook-nerdilandia_650_110114124119

Facebook-ის მომხმარებელი არ არის განებივრებუილი იმით, რომ სოციალური ქსელი მათ იდენტობას მალავდეს. მაგრამ ახლა უკვე მსოფლიოს ყველაზე არაანონიმური ვებ-საიტი ყველაზე ანონიმურ ქსელში გახდა ხელმისაწვდომი.

სილიკონის ველის გიგანტის მიერ პარასკევს გადადგმული ნაბიჯი ეხება მისი ქსელის ჩართვას Tor-ის დაფარულ სერვისში, რომელიც სპეციალური ბრაუზერით ხორციელდება. ახალი საიტი, რომელიც ხელმისაწვდომია TorBrowser-ის მომხმარებლებისთვის უზრუნველყოფს დამატებით დაშიფრულ წვდომას ინტერნეტში ჩართული სხვა და სხვა მომხმარებლების გავლით, რისი წყალობითაც პრაქტიკულად შეუძლებელი ხდება მომხმარებლის ტრაფიკის მოსმენა და გამოშიფრვა.

“თუ თქვენ ხართ უსამართლო ცენზურის და სპეცსამსახურების მხრიდან თვალთვალის მსხვერპლი, დამატებითი ფენა თქვენს შეერთებას უფრო დაცულს გახდის”  – ამბობს Facebook-ის უსაფრთხოების ინჟინერი.

ალეკ მუფეტი

Facebook-ის უსაფრთხოების ინჟინერი ალეკ მუფეტი

“Tor-ის არქიტექტურა ჩვენი სერვერების მუშაობის პრინციპებიდან გამომდინარე სპეციფიურია, წარმოიდგინეთ, რომ მომარებელი, რომელიც ერთი წუთის წინ ავსტრალიიდან შემოვიდა მეორე წუთს შეიძლება კანადიდან ან შვედეთიდან დაგვიკავშირდეს” – ამბობს მუფეტი. “მსგავსი მოძრაობა ჯერ არ ყოფილა Facebook-ის უსაფრთხოების ინფრასტრუქტურისთვის ჩვეულებრივი მომენტი და Tor-ის მომხმარებლებისათვის ეს გარკვეულ პრობლემებს ქმნიდა”

Facebook-ის Tor საიტი უფრო მეგობრული იქნება ამ ქსელების მომხმარებლებისთვის. Tor-ის მომხმარებლები ყოველთვის მიიღებენ გაფრთხილებას, რომ ისინი Facebook-დან გადადიან საშიშ და გაუკვეველი წარმოშობის ბმულებზე, ასევე უზრუნველყოფილი იქნება, რომ ტრაფიკი არასდროს არ გავა Facebook-ის,  Tor-ის და მომხმარებლის ქსელის ფარგლებს და ამ მხრივ მშვიდად უნდა ვიყოთ.

ბოლო რამდენიმე წლის განმავლობაში საიტებმა, როგორიცა Google, Facebook და Twitter ჩართეს SSL დაშიფრვის ტექნოლოგია ტრაფიკისათვის. Facebook-ის მხრიდან Tor-ში ჩართვა მიუთითებს იმაზე, რომ შესაძლოა მომავალში ამ მიმართულებით სხვა კომპანიებმაც გადადგან ნაბიჯები.