instagram-logo

სერვის Instagram – ის მომხმარებლები შეძლებენ ფოტოებსა თუ მოკლე ვიდეოებზე გაკეთებული მინაწერების რედაქტირებას მათი გამოქვეყნების შემდეგ.

ადრე მომხმარებელი უკვე გამოქვეყნებულ ფოტოზე (ვიდეო) შეცდომით მიწერილ კომენტარს ვერ ცვლიდა და ვალდებული იყო ეს მასალა წაეშალა, თავიდან აეტვირთა და თავიდან დაეწერა კომენტარიც.

რედაქტირება ერთ-ერთი ყველაზე მოთხოვნადი დეტალი იყო Instagram-ის მომხმარებლების მიერ. ახალი ფუნქცია რედაქტირება (edit) თქვენ შეგიძლიათ იხილოთ ფოტოსურათის ქვევით, მენიუში .

ამას გარდა სერვისმა განიცადა ცვლილება ჩანართში – ”საინტერესო” (Explore). სანიშნის ნაცვლად ხატულა შეიცვალა გამადიდებელი მინით, რომელშიც გამოჩნდება მომხმარებლისთვის პოტენციურად საინტერესო ფოტოსურათები თუ მომხმარებლების ანგარიშები.

განახლებული აპლიკაციის უფასოდ გადმოწერა შესაძლებელია Apple App Store -დან და Google Play -დან. დღესდღეობით Instagram – ის აუდიტორია 200 მილიონზე მეტ მომხმარებელს ითვლის .