viv1

ბრაუზერმა Opera-მ ბევრი გააკეთა იმისათვის, რომ არ ჩამორჩენოდა მოდის ტენდენციებს: ვიზუალურად არაუშავდა, გამოირჩეოდა მახასიათებლებით, როგორიცაა ჩაშენებული bitTorrent, მეილი და RSS კლიენტები. თუმცა, ბრაუზერის დეველოპერები დიდად არ იყვენენ კმაყოფილები იმით, რაც ხდებოდა ამ დიდი წითელი “O”-ს თავს. ასე რომ, სცენაზე გამოვიდა ახალი ბრაუზერი Vivaldi – ბრაუზერი, რომელიც გვპირდება ფუნქციონალს საზღვრების გარეშე.

ბრაუზერის ტექნიკური პრევიუ უკვე ხელმისაწვდომია და შეგიძლიათ გადმოწეროთ ოფიციალური საიტიდან. პრევიუში არსებული ფუნქციონალის გარდა, კიდევ ბევრ სიახლეს ველოდებით Vivaldi-სგან.

Vivaldi დაფუძნებულია Chromium-ზე. მას ბევრი საერთო აქვს თავის წინაპარ Opera-სთან, თუმცა ამავდროულად, სიახლეებითაც გამოირჩევა.

დიზაინი

თანამედროვე მინიმალისტური მოდის ტენდენციების გათვალისწინებით, Vivaldi თანამედროვედ გამოიყურება. პირველი ყველაზე თვალშისაცემი ცვლილება: ტაბები და მენიუ იცვლის ფერს და იღებს აქტიურ ტაბზე გახსნილი საიტის დომიმანტურ ფერს. მაგალითად, Hi-Tech-ზე შესვლისას ის ავტომატურად შეიცვალა ცისფერად. ეს ქამელეონის ეფექტი კარგი სიახლეა, მაგრამ თუ თქვენს გემოვნებაში არ ჯდება, შეგიძლიათ გამორთოთ.

viv1

ერთ-ერთი ფუნქცია, რაც ყველაზე მეტად უყვარდათ Opera-ში იყო Speed Dial. ეს ფუნქცია Vivaldi-შიც შენარჩუნებულია.

viv1

სწრაფი ბრძანებები/ნავიგაცია

თუ უმეტესად კლავიატურის მომხმარებელი ხარ და გიყვარს მალსახმობები, Vivaldi სწორედ შენთვისაა. ის გამოირჩევა მალსახმობებით და ამცირებს მაუსთან წვდომის აუცილებლობას.

ftyndzlrbdqol9xpvxd9

გვერდის ფუნქციები

ეს რაღაც ახალია. Vivaldi შეიცავს ბევრ ე.წ. გვერდის ფუნქციონალს. მათი უმეტესობა არის ფილტრები. თუ ფიქრობ, რომ საიტი გამოიყურება ძალიან მეინსტრიმულად, შეგიძლიათ მას შეუცვალოთ სტილი და გახადოთ სეფია.

viv1

ეს მენიუ, ასევე, საშუალებას გაძლევთ დაბლოკოთ რეკლამები, გვერდი გამოაჩინოთ სურათების გარეშე, შეიტანოთ კოსმეტიკური ცვლილებები და ა.შ.

ჩანიშნვნები

ვებ-გვერდებზე ჩანიშნების გაკეთება ახალი ტენდენციაა, რომელსაც Vivaldi-ც მიჰყვება. შეგიძლიათ გააკეთოთ ჩანიშვნები ნებისმიერი საიტის მონახულებისას და შეინახოთ მარჯვენა პანელში სამომავლო მონახულებისთვის. ეს არ იძლევა საშუალებას პირდაპირ გვერდზე გააკეთოთ კომენტარი და შეინახოთ როგორც სკრინშოტი. Vivaldi-ს ეს ფუნქცია უფრო გავს სხვა ბრაუზერებში არსებული სანიშნეების განვითარებულ ვერსიას.

y0vftjo79apt5hhzk4xn

ჩაშენებული მეილი და გაფართოებები

გამომდინარე იქიდან, რომ ეს არის ტექნიკური პრევიუ, ბევრი ფუნქცია ჯერ არ არის დამატებული. თუმცა, ისინი აუცილებლად დაემატება ფინალურ რელიზში. ერთ-ერთი ჯერ დაუმატებელი ფუნქციაა მეილ-კლიენტი. იგივე ფუნქციონალი Opera-დანაც გვახსოვს და ძნელი სათქმელია, რამდენად კარგი იქნება ის Vivaldi-ში.

zktqm0j7l9gtmgypdtia

Vivaldi, როგორც უკვე ვთქვით, დაფუძნებულია Chromium-ზე. შესაბამისად, მას ექნება Chrome-ის გაფართოებების მხარდაჭერა. ასე, რომ დეველოპერები გვპირდებიან, რომ Vivaldi იქნება ძლიერი და ფუნქციურად დატვირთული ბრაუზერი.

მოკლედ, ჯერ ადრეა განვსაჯოთ Vivaldi. ამ დროისათვის ეს ბრაუზერი მზადდება Windows, MacOSX და Linux-სათვის. გეგმაშია მობილური ვერსიის შექმნაც.