cyanogen-logo

კომპანია Cyanogen, რომელიც CyanogenMod ღია საოპერაციო სისტემის დეველოპერია, დღეს რებრენდინგს იწყებს, რომელიც მას უფრო დააშორებს ჰაკერულ დიზაინს და უფრო მისაღებს გახდის მომხმარებლისთვის. ახალი ბრენდინგი უფრო მინიმალისტურია და სუფთაა, ასევე არ არის საფირმო ფერებზე აქცენტი დაკარგული. ახალი დიზაინი კომპანიას უფრო სოლიდურად და ჩამოყალიბებულად წარმოაჩენს, რაც ხაზს უსვამს იმას, რომ ის უკვე სერიოზული პროდუქტია და მთავარი საოპერაციო სისტემა ზოგიერთი მოწყობილობებისთვის.

ახალ ბრენდინგთან ერთად Cyanogen-მა Qualcomm-თან პარტნიორობა დაიწყო და მათთვის შეიმუშავებს სანიმუშო დიზაინის პროდუქტების (QRD) საოპერაციო სისტემას. QRD მოწყობილობები სმარტფონების მწარმოებლებისთვისაა განკუთვნილი და მათ ახალი ჩიპების და პლატფორმების ინტეგრაციაში ეხმარება. Cyanogen-ის პარტნიორობით შეიქმნება პროგრამული უზრუნველყოფა და სამომხმარებლო ინტერფეისის ელემენტები Qualcomm-ის მოწყობილობებისთვის, რომლებიც Snapdragon 200, 400, და 600 პროცესორებზე მუშაობს და განკუთვნილია საშუალო და დაბალი რანგის ტელეფონებისთვის.

Cyanogen-ის თანადამფუძნებელი ამბობს, რომ Qualcomm-ს უნდა დაბალი წარმადობის სისტემების უფრო კარგი ოპტიმიზაცია სამომხმარებლო ბაზრისათვის, რომელიც ამჟამად პრობლემას წარმოადგენს ბიუჯეტური სეგმენტის მოწყობილობებში.

ორივე სიახლე კარგია და გაზრდილი Cyanogen უკვე სერიოზული მოთამაშე ხდება მობილური საოპერაციო სისტემების ბაზარზე. Cyanogen თავიდან Android-ის მოდიფიკაციით იყო დაკავებული და ონლაინ საზოგადობას წარმოადგენდა, თუმცა ის სწრაფად გადაიზარდა სერიოზულ კომპანიაში სერიოზული მიზნებით და პერსპექტივებით.