Galaxy-S6-root-main

Android მოწყობილობების root-ფუნქციონალით აღჭურვა უკვე არც ისე მოთხოვნადია ჩვეულებრივი მომხმარებლებისათვის, მაგრამ მნიშვნელოვანია ზოგიერთ სიტუაციაში. Samsung Galaxy S6 / S6 Edge-ის T-Mobile-ის ვარიანტები და უკვე საერთაშორისო მოდელიც წარმატებით დარუთა დეველოპერმა Chainfire-მ.

პირველ რიგში, ეს ყველაფერი ხელმისაწვდომია მოწყობილობების იმ ვარინატებზე, რომლებსაც აქვთ გახსნადი ბუთლოადერი. SM-G920T, SM-G925T და საერთაშორისო მოდელი უპრობლემოდ იხსნება. სამწუხაროდ AT&T-სა და Verizon-ის მომხმარებლებს არ გაუმართლათ ისევე როგორც Note 4-ის შემთხვევაში, რომელიც დღემდე დაურუთავი დარჩა და დიდი ალბათობით არასოდეს არ მიიღებს ამ ფუნქციონალს.

Chainfire-მა უკვე განაახლა CF-Auto-Root ინსტრუმენტი, რომელიც Galaxy S6 და Galaxy S6 Edge მოწყობილობების თავსებად ვარიანტებზე მუშაობს. ტესტირება დასრულებულია და არანაირი პრობლემა არ დაფიქსირებულა. რა თქმა უნდა დარუთვის შემდეგ KNOX-ის მრიცხველი ჩაირთვება, რაც გამოიწვევს სგარანტიო პირობების დარღვევას და ასევე Samsung Pay-ფუნქციონალის გამორთვას.

კიდევ ერთხელ Chainfire-მა გამოუშვა რუთი იმ მოწყობილობებისთვის, რომლებიც ჯერ არ არის ხელმისაწვდომი გაყიდვაში, თუმცა მარტის მეორე კვირის შემდეგ ეს შესაძლებლობაც იქნება მსოფლიოს ზოგიერთ ქვეყანაში, ჩვენ კი სავარაუდოდ მაისამდე მოგვიწევს ლოდინი.