946e3f0373086da71caf33c1252d00ae

Google არ არის პირველი რობოტექნოლოგიებისა თუ ჯანმრთელობის შენარჩუნების ტექნოლოგიებში. ტექნოლოგიური გიგანტი, Google, ფლობს რამდენიმე რობოტექნოლოგიურ კომპანიას, მათ შორისაა Boston Dynamics, რომელსაც გააჩნია რობოტიზირებული ძაღლებისა და მოქნილი ორფეხიანი რობოტების არსენალი. კომპანიის ერთ-ერთი განყოფილებაა X Life Sciences, რომელიც აწარმოებს ყველაფერს: კონტაქტურ ლინზებს, რომელებიც ზომავენ სისხლში შაქრის შემცველობას; კოვზებს პარკინსონით დაავადებულთათვის და ა.შ.

საძიებო გიგანტი ახლა უერთდება Ethicon-ს,  Johnson & Johnson-ის შვილობილ კომპანიას, რობოტიზირებული ქირურგიის პლატფორმის შესაქმნელად.

რობოტექნოლოგიებით ჩატარებული ოპერაციები სიახლე არ არის. ამგვარი ოპერაციები ამ თუ სხვა ფორმით 1985 წლიდან მიმდინარეობს. თანამედროვე სისტემის გამოყენებით, რობოტიზირებულ ქირურგიაში ექიმი უყურებს კონსოლს  და ხედავას გამოსახულებას მაღალი ხარისხით – ეს კი მიიღწევა რობოტი კამერით. ხელის მართვის გამოყენებით, ექიმი მუშაობს რობოტიზირებული ქირურგის ხელებით.

რობოტიზირებული ქირურგია უზრუნველყოფს ოპერაციის დროს პატარა ზომის ჭრა განხორციელდეს უდიდესი სიზუსტით, რაც რთული მისაღწევია ყველაზე ოსტატური ქირურგისთვისაც კი. ქვემოთ მოცემულ დემოვიდეოში ასახულია თუ როგორ ხატავს ადამიანის მართვის ქვეშ მყოფი მრავალხელიანი რობოტი პატარა ზომის ნახატს.

რა თქმა უნდა, რეალობაში რობოტიზირებული ქირურგია ეჯახება გარკვეულ დაბრკოლებებს. მაგალითად, აშშ-ში ათეულობით საჩივარი შეუტანეს Intuitive Surgical-ის წინააღმდეგ: ამტკიცებდნენ, რომ მათი ქირურგიული სისტემა Da Vinci შეიცავს ისეთ გართულებებს, როგორიცაა შემთხვევითი გულის ტრამვა და სიკვდილი. ფედერალური სამსახურის გადაწყვეტილებით, საქმე გადაწყდა Intuitive Surgical-ის სასარგებლოდ. თუმცა, კომპანია ძველებურად, მაინც იღებს საჩივრებს.

რა როლი აქვს ამ პროცესებში Google-ს? Johnson & Johnson-თან პარტნიორობის დეტალები ცნობილი არაა, თუმცა გარკვეული ინფორმაცია უკვე ხელმისაწვდომია.

უსაფრთხო რობოტიზირებული ქირურგია

არსებული უსაფრთხო ქირურგიული პლატფორმები, როგორიცაა Intuitive Surgical-ის da Vinci, ფლობს 3D ენდოსკოპებს. ვიდეოსტრიმინგი ქირურგს საშუალებას აძლევს დაინახოს ნაწლავები. Google-ის მიზანია, ამ გამოსახულებების ანალიზისთვის გამოიყენოს ალგორითმი. კრიტიკული ინფორმაცია კი გამოიტანოს ეკრანზე.

სხვა სიტყვებით რომ ვთქვათ, – აცხადებს Google-ის წარმომადგენელი, –  ახალი სიტემა ქირურგებს დაეხმარება ოპერაციის მიმდინარეობისას უკეთ დაინახონ და სწრაფი წვდომა მიიღონ ინფორმაციასთან, რომელსაც დაეყრდნობიან მუშაობის დროს.

ამ ტექნოლოგიას, მოქმედებაში მოყავს ფოტოს რედაქტირების ინსტრუმენტები, ასევე YouTube-ის კონტენტის ავტომატიზირებული ანალიზის ფუნქცია.

Johnson & Johson-ის წარმომადგენელი ირწმუნება, რომ ეს სისტემა შეძლებს, კონკრეტული პაციენტის ავადმყოფობის ისტორიაზე დაყრდნობით შემოგვთავაზოს საუკეთესო ადგილი გავკეთისათის – ქირურგიული Google Map-ის ანალოგიური რუკების გამოყენებით.

ვნახოთ, შეძლებენ თუ არა Google და J&J პარტნიორული გეგმების რეალიზებას. სავარაუდოდ, პროდუქტი გამოჩნდება ერთი ან ორი წლის შემდეგ.