windows-10-update

Windows 10-ის ბოლო RTM 10240 განახლებაში, რომელიც საბოლოოა საინტერესო სიახლე შეინიშნება. Microsoft-მა განახლებების გავრცელების პრინციპულად ახალი სისტემა წარმოადგინა. გარდა იმისა, რომ Windows 10 განახლებებს ავტომატურად Microsoft-ის სერვერებიდან ჩამოტვირთავს, ის საშუალებას აძლევს მომხმარებელს თვითონ გასცეს განახლებები სხვა მომხმარებლებისათვის. მაგალითად თუ თქვენს კომპიუტერზე უკვე განაახლეთ სისტემა მაგრამ თქვენი ოჯახის წევრს ეს ჯერ არ გაუკეთებია, თქვენი კომპიუტერი მას ლოკალური ქსელიდან მიაწვდის უკვე ჩამოტვირთულ განახლებას, რაც ინტერნეტთან დაკავშირებას და Mcirosoft-ის სერვერიდან ხელახლა ჩამოწერას და ზედმეტი დროის და რესურსების ხარჯვას აგაცილებთ თავიდან. აღსანიშნავია ისიც, რომ განახლებები არა მხოლოდ ლოკალური ქსელით ასევე ინტერნეტში სხვა Windows 10-ის მომხმარებლებისგანაც შეგიძლიათ მიიღოთ.