Categories
Android Google Hardware

Google Pixel 3

Twitter-ის მომხარებელმა @curciopau09 Google Pixel სმარტფონის მესამე თაობის რენდერი გამოაქვეყნა. მისი განცხადებით, საძიებო გიგანტის ახალი სმარტფონი მინიმალურ ჩარჩოს, წინა სტერეო დინამიკებს და ჩაჭრილ ეკრანს მიიღებს.

აღსანიშნავია, რომ უცხო წყარო და რენდერის ხარისხი გარკვეულ ეჭვებს აჩენს იმის შესახებ, რომ Pixel 3 ვიზუალურად ზუსტად ესეთი იქნება. თუმცა, ამ ვარიანტის გამორიცხვაც არ იქნება მართებული. ზემოთ ჩაჭრილი ეკრანი ჩარჩოს გარეშე 2018 წლის მთავარ ტრენდად მიიჩნევა.

ასევე, შესაძლებელია Pixel 3-ს ჰქონდეს თხელი ჩარჩო ეკრანის ირგვლივ ყველა მხრიდან, ყველანაირი ჩაჭრის გარეშე. ადრე, ზუსტად Android N ბეტა ვერსიაში ორიგინალი Google Pixel-ის დიზაინის მინიშნებები აღმოაჩინეს.

Categories
Android Hardware Samsung

ცნობილია Samsung Galaxy S9 Plus-ის თვითღირებულება

TechInsights-ის სპეციალისტებმა Samsung Galaxy S9 Plus-ის კომპონენტების, ლოჯისტიკის და წარმოების ხარჯები დაითვალეს. როგორც აღმოჩნდა, Galaxy S9 Plus სამხრეთ კორეული გიგანტის ყველაზე ძვირადღირებული ფლაგმანია.

Galaxy S9 Plus- ის საერთო ღირებულება $379 შეადგენს. Samsung-ის უახლესი ფლაგმანის თვითღირებულება 10 დოლარით აღემატება Galaxy Note 8-ს და 36 დოლარით მის წინამორბედს.

Categories
Android Featured Hardware

Razer Phone გეიმერული სმარტფონი

კომპანია Razer პირველ რიგში გეიმერულ აქსესუარებთან ასოცირდება, თუმცა მათ სმარტფონის გამოშვება გადაწყვიტეს, რომელიც რა თქმა უნდა მობილური გეიმერებისთვის არის განკუთვნილი. აპარატმა მარტივი სახელი Razer Phone მიიღო და გარეგნულად ღრუბლოვან სმარტფონს Nexbit Robin-ს გავს, რომელიც კომპანიამ წლის დასაწყისში შეიძინა. Phone უძლიერესი ტექნიკური მონაცემებითაა აღჭურვილი, თუმცა მისი მთავარი ღირსება 120 ჰერციანი ეკრანია.

გამომდინარე გეიმინგზე ორიენტაციიდან მწარმოებელმა აქცენტი გრაფიკულ მონაცემებზე გადაიტანა. პირველი რა თქმა უნდა გამოსახულებაა. სამრტფონს 5,72 დიუმიანი Ultamotion ეკრანი აქვს და ის IGZO ტექნოლოგიითაა დამზადებული. გარჩევადობა 2560×1440 წერტილია და გაახლების სიხშირე 120 ჰერცს შეადგენს. გარდა ამისა Razer Phone-ს Qualcomm Qsync ტექნოლგოგიის მხარდაჭერა აქვს, რაც ანალოგიურია NVIDIA G-SYNC და AMD FreeSync სისტემებისა.

რა თქმა უნდა 120 ჰერცზე მუშაობა მძალვრ პროცესორს მოითხოვს, რასაც მშვენივრად ართმევს თავს Qualcomm Snapdragon 835 – 8 გიგაბაიტი ოპერატიული მეხსიერებით. პარამეტრებში მომხმარებელს შეუძლია ხელით მიუთითოს 60 – 90 ან 120 ჰერცი. რაც უფრო მეტია ეს მნიშვნელობა მით უფრო სუფთაა გამოსახულება თუმცა ეს ავტომნომიურობის ხარჯზე ხდება.

Razer გვპირდება, რომ ისეთი თამაშები როგორიცაა: Final Fantasy XV Pocket Edition, Lineage 2: Revolution, Runescape, Tekken and Titanfall: Assault ძალიან მალე მიიღებენ სპეციალურ განახლებას 120 ჰერციანი რეჟიმისთვის.

გაჯეტი არ ითვალისწინებს თნამედროვე ტრენდს ეკრანის ჩარჩოებთან მიმართებაში და მას ისევე როგორც ზევიდან ასევე ქვევიდანაც აქვს დიდი ჩარჩოები აქვს, რაც მას უფრო მოხერხებულს ხდის გეიმინგისთვის. კიდევ ერთი უპირატესობა დიდ ჩარჩოებს აუდიოსთვის აქვს, რაც სტერეო დინამიკებში გამოიხატება. სამრტფონში ყოველ დინამიკს დამოუკიდებელი გამაძლიერებელი აქვს და ის THX-ის სერტიფიკატს ფლობს. გარდა ამისა Razer Phone-ს აქვს მოცულობითი Dolby Atmos-ის მხარდაჭერა, რომელიც კონტენტის შესაბამის პრესეტებს ირჩევს.

თამაშების ენერგომოხმარებიდან გამომდინარე Razer-მა 4000 მილიამპერიანი აკუმლატორი დააყენა სიახლეში და Qualcomm Quick Charge 4+ ტექნოლოგიაც, თუმცა ავტონომიურობის შესახებ დამატებითი ინფორმაცია ჯერ-ჯერობით უცნობია.

Razer Phone მეტალის კორპუსშია მოთავსებული და მართკუთხა ფრომა აქვს. სმარტფონი მხოლოდ შავი ფერის იქნება და მას მხოლოდ ერთი USB Type-C პორტი აქვს ქვედა ნაწილში. მარჯვნივ არის ჩართვის ღილაკი თითის ანაბეჭდების სკანერით, ხოლო მეორე მხარეს ხმის აწევ-დაწევის ღილაკებია მხოლოდ განთავსებული.

ტექნიკური მონაცემები:

  • 5,72-დიუმიანი IGZO-ეკრანი, 2560х1440 გარჩევადობითა და 120 ჰერცი სიხშირით. Corning Gorilla Glass 3;
  • 8-ბირთვიანი პროცესორი: Qualcomm Snapdragon 835;
  • 8 ოპერატიული მეხსიერება LPDDR4 1 866 მჰც;
  • 64 ჩაშენებული მეხსიერება: UFS;
  • microSD-ბარათების სლოტი: 2 ტბ;
  • ორმაგი მთავარი კამერა: 12 მპ, f/1,75 + 12 მპ, f/2,6;
  • 8-მეგაპიქსელიანი სელფი კამერა: f/2,0;
  • აკუმლატორი 4 000 მა/სთ, Quick Charge 4+;
  • სტერეო დინამიკები Dolby Atmos;
  • თითის ანაბეჭდების სკანერი;
  • უკებელო ქსელები: Wi-Fi 802.11ac, Bluetooth 4.2, NFC;
  • 4G LTE;
  • სისტემა: Android 7.1 Nougat (განახლდება Android Oreo-მდე 2018 წლის დასაწყისში);
  • ზომები: 158,5 x 77,7 x 8 მმ;
  • წონა: 197 გ.

Razer Phone-ის ორი ვერსია გამოვა: სტანდარტული და სპეციალური. განსხვავება ვიზუალური იქნება და მეორეს კომპანიის ლოგო მწვანე ფერად ექნება დატანილი.

Razer Phone გაყიდვაში 17 ნოემბერს შემოვა და მისი ფასი 699$ იქნება.

წყარო: Navigator.ge

Categories
Android Hardware

Nokia 7 მოულოდნელად გამოვიდა

HMD Global-მა მოულოდნელად გამოუშვა ახალი სმარტფონი Nokia 7, რომლის რელიზი ჭორების თანახმად მომავალ წელს უნდა შემდგარიყო. სმარტფონი ჩინეთში წარმოადგინეს და მალე ის სხვა ბაზრებზეც იქნება ხელმისაწვდომი.

Nokia 7 – კომპანიის პირველი სმარტფონია, ორმლეიც შუშის და ალუმინის კომბინაციით არის შექმენილი. უკანა პანელი აღჭურვილია სამ-ფენიანი 3D შუშით Gorilla Glass 3, რომელიც ალუმინის ჩარჩოშია მოთავსებული. IP54 რეიტინგი მოწყობილობას წყლის წვეთებისგან დაიცავს.

Nokia 8-ის მსგავსად მას საკმაოდ დიდი ჩარჩოები აქვს ეკრანის ზევით და ქვევით. ქვედა პანელზე განთავსებულია მოცულობითი ღილაკები Android-ის სამართავად. Nokia 7 წარმოდგენილია შავსა და თეთრ ფერებში, თუმცა მომავალში შესაძლოა სხვა ვარიანტებიც ვიხილოთ.

ტექნიკური მონაცემები:

  • ეკრანი: 5,2-დიუმიანი 1920 x 1080 გარჩევადობით;
  • ჩიპსეტი: Snapdragon 630;
  • მეხსიერება: 64 გბ (6 გბ ოპერატიული და 64 მუდმივი);
  • მთავარი კამერა: 16-მეგაპიქსელიანი სენსორი, ZEISS-ის ოპტიკით f / 1,8 ორ-ტონიანი შუქდიოდური განათებით;
  • სელფი კამერა: 5-მეგაპიქსელიანი f / 2.0;
  • აკუმლატორი: 3000 მა/სთ. სწრაფი დამუხტვით;
  • სისიტემა: Android 7.1.1 Nougat.
  • ზომები: 141,2 х 71,45 х 7,92 მმ

სმარტფონა მიიღო Dual-sight ტექნოლოგია, რომელიც ორივე კამერით ერთდროულად იღებს და მას HMD Global “Bothies”-ს უწოდებს.

OZO აუდიო ტექნოლოგიით Nokia 7-ს შეუძლია 360 გრადუსიანი ხმა ჩაიწეროს. სხვა ფუნქციებს შორის აღსანიშნავია უკანა პანელზე მოთავსებული თითის ანაბეჭდების სკანერი, USB-C პორტი, 3,5 მმ. აუდიო კონექტორი, LTE ქსელები, Wi-Fi, Bluetooth 5.0, NFC და GPS.

Nokia 7 ჩინეთში 24 ოქტომბრიდან შემოვა გაყიდვაში. მოდელს 4 გიაბაიტი ოპერატიურლით 2499 იუანად შეიძენთ (დაახლ. 950 ლარი) ხოლო 6 გიგაბაიტიანი მოდელი 2699 იუანი (დაახლ. 1000 ლარი) ეღირება. ინფორმაცია სხვა ქვეყნებში გამოსვლასთან დაკავშირებით ჯერ-ჯერობნით უცნობია.
წყარო: navigator.ge
Categories
Android Hardware

Huawei Mate 10 – სმარტფონი ხელოვნური ინტელექტით

კომპანია Huawei-მ წარმოადგინა ფლაგმანური სმარტფონები Mate 10 და Mate 10 Pro, რომლებსაც ისინი “გონიერ მანქანებს” უწოდებენ. ახალი აპარატებული მუშაობენ ახალ Kirin 970 პროცესორზე, რომელშიც მსოფლიოში პირველი გამოყოფილი ბლოკია მანქანური სწავლებისათვის, რაც ხელოვნური ინტელექტის ფუნქციონალს პირდაპირ მოწყობილობაზე ამუშავებს.

Mate 10 და Mate 10 Pro-ს შუშის უკანა პანელი აქვთ მომრგვალებული კუთხეებით. მიუხედავათ დიდი გაბარიტებისა სმარტფონები არ იგრძნობა მძიმედ და მათი ხელში დაკავება კომფორტულია. როგორც წინიდან ასევე უკანაც გამოყენებულია Corning Gorilla Glass, რომელიც ხარისხიანი ოლეოფობიური ზედაპირით გამოირჩევა.

თითის ანაბეჭდების სკანერი Mate 10 Pro-ში უკანა პანელზეა და მის მდებარეობასთან პრობლემები არ იქმნება. ის ზუსტად იქ არის განთავსებული სადაც საჩვენებელი თითი ხვდება ბუნებრივად. Mate 10-ში ის იწნა პანელზე არის მოთავსებული ეკრანის ქვევით. ზედა ნაპირზე არის ინფრაწითელი გადამცემი საოჯახო ტექნიკის მართვისათვის. სტანდარტული 3.5 მმ. აუდიო პორტი მხოლოდ Mate 10-ში არის შენარჩუნებული და უფროს მოდელში Type C ყურსასმენებია გათვალისწინებული მხოლოდ.

აღსანიშნავია IP67 სტანდარტით უზრუნველყოფილი წყლისაგან და მტვრისაგან დაცვა, რაც იმას ნიშნავს, რომ სმარტფონი ხანმოკლე ვადით წყალქვეშ ერთ მეტრამდე ჩაძირვას გაუძლებს, ხოლო მტვერი ვერანაირად ვერ შეაღწევს კორპუსის შიგნით. მართალი ეს აქტუალურია მხოლოდ Mate 10 Pro ვერსიისთვის. ჩვეულებრივი Mate 10 დაცულია მხოლოდ IP53 სტანდარტით.

საერთო შთაბეჭდილება შემდეგია: სისტემა სმარტფონზე ძალიან სწრაფად მუშაობს და ფაქტიურად დაფრინავს. ყველაფერი სხარტად ეშვება და არ არის ლაგები და მუხრუჭები. Mate 10 და Mate 10 Pro მუშაობენ EMUI 8.0-ის მართვის ქვეშ რაც რა თქმა უნდა Android 8.0 Oreo-ს ბაზაზე ხორციელდება. ეს ერთ-ერთი პირველი მოწყობილობაა გარდა Google-ისა, რომელიც Android-ის უახლეს ვერსიაზე მუშაობს.

Mate 10-ში 5,9 დიუმიანი IPS ეკრანია გამოყენებული Quad HD გარჩევადობით და 16:9-ზე შეფარდებით, მაგრამ უფრო შთამბეჭდავია Mate 10 Pro პრაქტიკულად უჩარჩოო 6 დიუმიანი OLED ეკრანით, რომელსაც Full HD+ გარჩევადობა და 18:9 შეფარდება ქვს. დიდი დიაგონალის წყალობით ერთი ხელით მართვა არც ისე კომფორტული იქნება ყველასთვის და ამიტომაც Home ღილაკის ეკრანის ნებისმიერ ნაპირას განთავსება არის შესაძლებელი. ასევე არის სწრაფი წვდომის მენიუც სადაც შეგიძლიათ ხშირად გამოყენებადი ფუნქციები დაამატოთ. ასევე არის მრავალამოცანიანი რეჟიმიც რის წყალობითაც შეიძლება ეკრანზე ორი აპლიკაცია ერთდროულად მოვიხმაროთ.

ახალი პროცესორი და ხელოვნური ინტელექტი

ორივე სმარტფონი აღჭურვილია 10 ნანომეტრიანი ჩიპსეტით Kirin 970, რომელსაც ოთხი Cortex-A53 (1.8 გჰც.) და ოთხი მაღალი წარმადობის Cortex-A73 (2,36 გჰც.) ბირთვები აქვს. ახალი ჩიპი 40%-ით მცირეა და 20%-ით ენერგოეფექტური წინა მოდელებთან შედარებით. გრაფიკას 12 ბირთვიანი ვიდეო ამაჩქარებელი Mali-G72 ამუშავებს, რომელიც ახლა 20%-ით მძლავრია და 50%-ით უფრო ნაკლებ ენერგიას მოიხმარს. მიუხედავად ამისა Kirin 920-ის მთავარი ღირსება სპეციალური ბლოკია, რომელიც მანქანურ სწავლებას უზრუნველყოფს, რაც ასევე პრაქტიკულ სარგებელსაც გვაძლევს.

გაუმჯობესებული სისწრაფე

დროთა განმავლობაში სმარტფონების უმრავლესობა შესამჩნევად ნელდება. Huawei ირწმუნება, რომ მის სმარტფონებს ეს არ ემუქრება და ამას მანქანური დასწავლა უზრუნველყოფს. სმარტფონები მოახდენენ ანალიზს თუ როგორ მოიხმარს მას მომხმარებელი და ამის საფუძველზე მოახდენს სისტემის ოპტიმიზაციას, რითაც მუდმივად სრაფ და წარმად რეჟიმს შეინარჩუნებს. ჯერ რა თქმა უნდა ამ ყველაფრის შემოწმება შეუძლებელია და დროთა განმავლობაში ყველაფერი უფრო ნათელი გახდება.

ტექსტისა და ხმის თარგმნა

Mate 10 და Mate 10 Pro საშუალებას იძლევა რეალურ დროში ვთარგმნოთ ტექსტი, ხმა, გამოსახულება და დიალოგები 50-ზე მეტ ენაზე. მანქანური დასწავლის ტექნოლოგიების წყალობით თარგმანი თითქმის მყესეულად ხორციელდება. სმარტფონებში უკვე დაყენებულია Microsoft-ის აპლიკაცია, რომელიც საუბარს ერთ ან რამდენიმე მოსაუბრესთან სხვა და სხვა ენებზე აწარმოებს რეალურ დროში.

გამოსახულების ხარისხის გაუმჯობესება

კიდევ ერთი გამოყენება ხელოვნურმა ინტელექტმა Mate 10-სა და Mate 10 Pro-ში “მაღალი გარჩევადობის” ფოტოების ფუნქციაში იპოვა. ეს გარანტიას იძლევა იმის, რომ მომხმარებელი ყოველთვის მაღალი ხარისხის კონტენტს მიიღებს. EMUI 8.0-ში დაბალი ხარისხის გამოსახულებისგან სისტემა ავტომატურად გარდაქმნის მათ მაღალ ხარისხში. ეს განსაკუთრებით მნიშვნელოვანია სოციალურ ქსელებში სადაც პუბლიკაციამდე ფოტოგრაფიები მძიმედ იკუმშება.

ხმაურისგან გაწმენდა ხმოვანი კავშირისას

ხლოვნური ინტელექტი სმარტფონებს ხმის გაუმჯობესებაშიც ეხმარება სატელეფონო ზარების განხორციელებისას. ხმის ამოცნობის წყალობით მოსაუბრე თქვენს ხმას ყოველთვის მკაფიოდ და სუფთად გაიგებს იმ შემთხვევაშიც კი თუ თქვენ ჩურჩულით ისაუბრებთ. სისტემა ავტომატურად გააძლიერებს თქვენს ხმას, ხოლო საუბრისას ხმაურიან გარემოში ყველა ზედმეტი ხმა გაიწმინდება და მოსაუბრე მხოლოდ თქვენს საუბარს მოისმენს.

კამერა და გამოსახულების დამუშავების ალგორითმები

Huawei-მ გააგრძელა Leica-თან თანამშრომლობა და Mate 10 Pro-სა და Mate 10-ში მთავარი კამერა ორი მოდულის სახით წარმოადგინა. მონაქრომული 20 მეგაპიქსელიანი სენოსრი და ფერადი სენსორი 12 მეგაპიქსელი გარჩევადობით. ასევე არის სისტემა ოპტიკური სტაბილიზაციით და ლაზერული ავტოფოკუსი. შეიძლება ითქვას Mate 9-ის შემდეგ არაფერი არ შეცვლილა, მაგრამ თუ კარგად დავაკვირდებით აღმოვაჩენთ, რომ ორივე მოდულს f/1,6 შუქის ძალის ობიექტივები აქვს, რაც უფრო მაღალი ხარისხის ფოტოებს უზრუნველყოფს ცუდი განათების პირობებში. მწარმოებელმა აღნიშნა, რომ Mate 10-ის კამერა 90%-ით მეტ შუქს აღიქვამს ვიდრე Mate 9

გადაღებისას Mate 10 და Mate 10 Pro ასევე იყენებს ხელოვნური ინტექლეტის შესაძლებლობებს. სმარტფონები რეალურ დროში უკეთებენ გამოსახულებას ანალიზს და ამოიცნობენ გადასაღებ ობიექტებს, რისი მიხედვითაც ირთვება სპეციალური ალგორითმები, რაც კონკრეტული სიტუაციისთვის შესაბამის დამუშავებას ააქტიურებს. ამ ეტაპზე 13 რეჟიმია გათვალისწინებული: მცენარე, ლურჯი ცა, ღამე, სცენა, საკვები, დაისი, ტექსტი, პლიაჟი, თოვლი, კატა, ძაღლი, პორტრეტი და ფეიერვერკი.

ხელოვნური ინტელექტი ასევე გამოიყენება გაბლარული ფონის მქონე გამოსახულებებზე და მოახლოებისას. წინამორბედების მსგავსად Mate 10 და Mate 10 Pro საშუალებას იძლევა ფოტოგრაფიები გადავიღოთ ბოკეს ეფექტით და შევცვლოთ ფონის გაბლარვის დონე. ამისათვის Huawei-მ ასწავლა ნეირონულ ქსელს მილიონობით პორტრეტული გამოსახულება. მანქანური დასწავლა გამოიყენება მასშტაბირებისას, რომ დეტალიზაციის დაკარგვა და ხარისხის გაუარესება შეამციროს.

ზემოთ ჩამოთვლილის გარდა ხელოვნური ინტელექტი მოწყობლილობის ავტონომიურ მუშაობასაც აუმჯობებსებს. სმარტფონებში დაყენებულია 4 000 მილიამპერიანი აკუმლატორები, რომლებიც ყველაზე დიდია თანამედროვე ფლაგმანებს შორის. მწარმოებელი ამბობს, რომ აპარატები ერთ მუხტით ორი დღე იმუშავებენ ჩვეულებრივი მოხმარების რეჟიმში. EMUI 8.0 ისე მართავს ენერგიარ, რომ მისი გამოყენება მინიმუმამდეა დაყვანილი. ხელოვნური ინტელექტი ავტომატურად ხურავს არასაჭირო აპლიკაციებს და მუდმივად გადაეწყობა მომხმარებლის მოთხოვნების შესაბამისად და აკვირდება პროცესორისა და ოპერატიული მეხსიერების დატვირთვას.

Huawei Mate 10 და Mate 10 Pro-ს სხვა თავისებურებებიდა აღსანიშნავია სწრაფი დამუხტვის ტექნოლოგია SuperCharge, რომელიც მთელი დღის სამყოფ მუხტსი 20 წუთში იღებს და ასევე პერსონალური კომპიუტერის რეჟიმში მუშაობა. სმარტფონს შეუძლია მიუერთდეს მონიტორს სულ რაღაც ერთი კაბელის საშუალებით, რომელიც დიდ ეკრანზე მრავალამოცანიან რეჟიმს უზრუნველყოფს, რაც ასევე სიახლეა სხვა ფლაგმანებისგან განსხვავებით, რომლებსაც დოკ სადგურები ჭირდებათ, მაგ. Samsung Dex.

პრეზენტაციის ვიდეოჩანაწერი:

Mate 10 და Mate 10 Pro-ს ტექტნიკური მონაცემები:

  • ეკრანი Mate 10: 5,9”, 16:9, IPS, 2560х1440, HDR10, 730 ნიტი;
  • ეკრანი Mate 10 Pro: 6”, 18:9, OLED, 2160х1080, HDR10, 730 ნიტი;
  • პროცესორი: Kirin 970 (4 х Cortex-A53 1,8 გჰც + 4 х Cortex-A73 2,36 გჰც) მანქანური დასწავლის სპეციალური ბლოკით;
  • გრაფიკა: Mali-G72, 12 ბირთვი;
  • ოპერატიული Mate 10: 4 გბ LPDDR4;
  • ოპერატიული Mate 10 Pro: 6 გბ LPDDR4;
  • მეხსიერება Mate 10: 64 გბ;
  • მეხსიერბეა Mate 10 Pro: 128 გბ;
  • მეხსიერების ბარათები: microSD, microSDHC, microSDXC
  • მთვარი კამერა: 12 მპ-ანი RGB-სენსორი ობიექტივით f/1,6 + მონაქრომატული სენსორი 20 მპ. ობიექტივით f/1,6, ლაზერული ავტოფოკური, ოპტიკური სტაბილიზაცია;
  • წინა კამერა: 8 მპ;
  • SIM-ბარათები: ორი (Dual SIM, Dual Standby), ორივე LTE და VoLTE;
  • აკუმლატორი: 4 000 მა/სთ, სწრაფი დამუხტვა;
  • ავტონომიური მუშაობის დრო: 105 საათი მუსიკა, 20 საათი ბრაუზერი 4G, 20 ვიდეო ან  30 საათი საუბარი 3G;
  • კავშირი Mate 10: 4G LTE Cat. 18 და Cat. 16. 1 გიგაბიტი/წმ;
  • კავშირი Mate 10 Pro: 4G LTE Cat. 18. 1,2 გიგაბიტი/წმ;
  • ინტერფეისები: USB Type-C, ინფრაწითელი, 2х2 MIMO Wi-Fi, Bluetooth, NFC;
  • უსაფრთხოება Mate 10: თითის ანაბეჭდების სკანერი Home ღილაკში;
  • უსაფრთხოება Mate 10 Pro: თითის ანაბეჭდების სკანერი უკანა პანელზე;
  • დაცვა Mate 10: IP53, წყლის წვეთებისგან დაცვა;
  • დაცვა Mate 10 Pro: IP67, 1 მეტრამდე სიღრმეში წყლისგან დაცვა;
  • სისტემა: EMUI 8.0 / Android 8.0 Oreo.
Categories
Android Google Software

Android-პლატფორმებს შორის პოპულარობით Nougat მესამეა

Android-ის მობილური ოპ.სისტემების ბაზრის ახალმა სტატისტიკამ გვაჩვენა, რომ ამჟამინდელი ლიდერი Marshmallow ჯერჯერობით დანებებას არ აპირებს, თუმცა ასევე აღსანიშნავია Nougat-ის წინსვლა.

მაშ ასე, Marshmallow 6.0-ზე ბაზრის 32,2 % მოდის. ეს მავენებელი ერთი თვით ადრე 32,3 %-ს შეადგენდა.

მეორე ადგილიზე Lollipop 5.0 და  5.1 რჩება. ამჟამად მათი საერთო წილი 28,8 %-ს შეადგენს, ხოლო ერთი თვის წინ  29,2 % იყო.

მესამე ადგილზე პლატფორმა Nougat-მა (7.0 და 7.1) გადავიდა. მათი მთლიანი წილი 15,8 %-ია, აგვისტოს 13,5 % -ის წინააღმდეგ.

ოპ. სისტემა KitKat 4.4 მეოთხე ადგილზე გადავიდა: მისი რეზულტატი — 15,1 %-ია, ხოლო აგვისტოს მიხედვით ეს მაჩვენებელი 16,0 %-ს შეადგენდა.

წყარო: Android

Categories
Android Hardware

Huawei Mate 10 Pro-ს სპეციფიკაციები ცნობილია

რამოდენიმე დღის წინ კომპანია Huawei-მ ფლაგმანური სმარტფონების Mate 10-ის და Mate 10 Pro-ს წარდგენის შესახებ განაცხადა. ცნობილი გახდა, რომ მოწყობილობები ახალ პროცესორს Kirin 970-ს მიიღებდნენ. ჩინურმა კომპანიამ სხვა მახასიათებლები არ გაამჟღავნა. თუმცა გამოცდილმა ინსაიდერმა ევან ბლასმა (Evan Blass), Huawei Mate 10 Pro-ს სპეციფიკაციების შესახებ თითქმის სრული ინფორმაცია გაავრცელა.

ბლოგერის ინფორმაციით, Huawei Mate 10 Pro 5,99-დიუმიან IPS-ეკრანს (გარჩევადობით 2880 × 1440 წერტილი) მიიღებს. ოპერატიული მეხსეირება 6 გბ-ს შეადგენს, ხოლო შიდა მეხსიერება 64 ან 128 გბ-ს.

მთავარ კამერას გამოსახულების ორი სენსორი (20 და 12 მეგაპიქსელიანი) ექნება, ასევე ოპტიკია Leica, ლაზერული ავტოფოკუსი, Led-ფლეში და გამოსახულების ოპტიკური სტაბილიზაცია. აპარატის წინა მხარეს განთავსდება 8-მეგაპიქსელიანი კამერა.

7,5 მმ-იანი ტელეფონი დაცულია წყლის და მტვრის ნეგატიური ზემოქმედებისგან IP68 სტანდარტით. აკუმულატორული ელემენტი მოცულობით 4000 მა/სთ სწარფი ტექნოლოგიით დაიმუხტება. ოპ. სისტემა − Android 8.0 Oreo, საფირმო სამომხმარებლო ინტერფეისით Emotion UI 6.0.

Huawei Mate 10-ის და Mate 10 Pro-ს პრეზენტაცია გერმანიაში 16 ოქტომბერს შედგება. სმარტფონების გაყიდვები სავარაუდოდ დეკემბერში დაიწყება.

წყარო: fonearena.

Categories
Android Hardware

Nokia-ს ყველა Android სმარტფონი მიიღებს Oreo განახლებას

კომპანია HMD Global-მა, რომელიც Nokia-ს სავაჭრო მარკის ექსკლუზივს ფლობს განაცხადა, რომ Android-ის ბაზაზე  მყოფი ბრენდის ყველა სამრტფონი ოპ. სისტემის ბოლო ვერსიამდე განახლდება.

საუბარია შემდეგ მოდელებზე: Nokia 3, Nokia 5, Nokia 6 და Nokia 8. პროგრამული პლატფორმა, როგორც მოსალოდნელია Android 8.0 Oreo იქნება. დასახელებულ სისტემაში Notification Dots გამოჩნდება. ამა თუ იმ აპლიკაციის შეტყობინების წასაკითხად მისი გახსნის გარეშე, საკმარისია შესაბამის სენსორულ ღილაკზე თითის დაჭერა.

ახალ ოპ. სისტემასში გამოჩნდება ვიდეოს ყურების საშუალება რეჟიმში  «სურათი სურათში». პლატფორმა Android Oreo,  ჩაშენებული ფუნქციის «Google Play დაცვის» მეშვეობით, უსაფრთხოების უფრო მაღალ დონეს უზრუნველყოფს. ასევე, გათვალისწინებულია მოწყობილობის უსაფრთხოების მდგომარეობის მონიტორინგი და უფრო მეტად გაკონტროლდება აპლიკაციის დაყენების პროცესი.

Android Oreo შეამცირებს იმ აპლიკაციების აქტივობას, რომლებიც ფონურ რეჟიმში გამოიყენება. ეს ყველაფერი სმარტფონის ელემენტის ენერგიის დაზოგვის საშუალებას იძლევა.

თუ როდის გამოვა Android 8.0 Oreo Nokia-ს სმარტფონებზე, ჯერჯერობით უცნობია.

წყარო: geeky gadgets.

Categories
Android

Remix OS – Android სამაგიდო საოპერაციო სისტემა

Remix OS - Screenshot

არ მოგესმათ, ეს ნამვილად სამაგიდო საოპერაციო სისიტემაა დესკტოპ და ლეოპტოპ მოწყობილობებისთვის. Google-მა ვერ მოიშორა Chrome OS და ჯერ კიდევ აპირებს მის განვითარებას, ამიტომაც Jide-ის გუნდი შეეცადა და წარმატებითაც შეძლო Android Lollipop დესკტოპი შეექმნა. საოპრაციო სისტემა აუცილებლად განახლდება Marshmallow-ზე და რა თქმა უნდა აქვს Google Play Services-ის მხარდაჭერა.

კომპანია ასევე გვთავაზობს პერსონალურ კომპიუტერებს ამ საოპერაციო სისტემით და ასევე საოპრაციოს სიტემის გადმოწერის საშუალებასაც, რომელიც ნებისმიერ Intel-ის პროცესორზე დაფუძნებულ კომპიუტერზე გაეშვება, მათ შორის Apple-ის მოწყობილობებზეც. საოპერაციო სისტემა ხელმისაწვდომი იქნება იანვრის შუა რიცხვებიდან ოფიცილაური საიტიდან.

წყარო: Jide

Categories
Android Apple Google

Google Eddystone – Apple iBeacon-ის წინააღმდეგ

overall-graphic-070915

Google-მა დაანონსა Eddystone,  პლატფორმა ღია კოდით, რომელიც Apple-ის iBeacon-ს გაუწევს კონკურენციას, რომელიც ახლა ზოგიერთ ბიზნესებსა და ატრაქციონებზე გამოიყენება, მათ შორი Apple-ის მაღაზიებში.

iBeacon-ის მსგავსად Eddystone  – შეძლებს კომუნიკაცია დაამყაროს Bluetooth Low Energy-ს საშუალებით თავსებად მოწყობილობებთან, როცა ისინი ახლო მანძილზე იქნებიან ხელმისაწვდომი. მაგალითისთვის ავტობუსების გაჩერების შუქურა მოწყობილობას მიაწვდის ინფორმაციას განრიგის შესახებ.

Eddystone სრულიად დამოუკიდებელია პლატფორმისგან და Google-მა მისი წყარო Github-ზე გამოაქყველნა iOS და Android-ის API-ს ჩათვლით. Google-ის განცხადებით ის არ მოითხოვს საფასურს ტექნოლოგიის გმოყენებისთვის და თანამშრომლობს Bluvision, Estimote, Kontakt.io, Radius Networks და Signal360-თან, რომ მათი შუქურები იყოს თავსებადი Eddystone-თან.

დიდ მასშტაბებზე დანერგვისათვის Google-მა შექმნა უფასო მართვის ინსტრუმენტები, რომელიც დეველოპერებს გაუმარტივებს შექმნან მართვის პანელები სერვისებისათვის. დეველოპერების მხარდაჭერის შემთხვევაში Eddystone სერიოზული საფრთხე იქნება iBeacon-ტექნლოგიისათვის, რომელიც მხოლოდ iOS მწოყობებისთვისაა.