Categories
Microsoft ბიზნესი

Microsoft, როგორც ჩანს, Nokia–ს შეიძენს

Nokia–ს ხელმძღვანელი, სტივენ ელოპი (მარცხნივ) და Microsoft–ის გენერალური დირექტორი, სტივ ბალმერი (2011 წლის 11 თებერვალი; Microsoft–ის ფოტო).

თუ ანალიტიკოს ელდარ მურტაზინის განცხადებას ვენდობით, Nokia და Microsoft, ერთ კვირაში, ბიზნესის ნაწილობრივ გაერთიანებაზე მოლაპარაკებებს დაიწყებენ.

ბატონი მურტაზინი იუწყება, რომ საუბარია «მაიკროსოფტის» მიერ Nokia–ს ტელეფონების ქვეგანყოფილების შეძენაზე. «ჯერჯერობით ამ მოლაპარაკების რეზულტატები საჯარო არ იქნება, თუმცა შეთანხმება, შესაძლოა, 2011 წლის ბოლომდე დაიხუროს: ორივე კომპანია ძალიან ჩქარობს», — აღნიშნავს ანალიტიკოსი.

გარიგების ფასს მურტაზინი არ ასახელებს, თუმცა რესურს SoftSailor–ს მიაჩნია, რომ Nokia–ს მობილურ ბიზნესში $30 მლრდ–ის გადახდა შეიძლება.

თუმცა, Nokia-ს ბრიტანელმა წარმომადგენლობამ აღნიშა, რომ მსგავს ჭორებს კომპანია, როგორც წესი, კომენტარს არ უკეთებს და დასძინა, რომ მურტაზინის განცხადებები «სულ უფრო ნაკლებად ზუსტი ხდება».

შეგახსენებთ, რომ ელდარ მურტაზინი მართალი აღმოჩნდა მაშინ, როცა წინასწარმეტყველებდა «ნოკიას» სათავეში შესაძლო ცვლილებებზე, ასევე მოწყობილობებში Windows Phone 7–ის გამოყენების გეგმებსა თუ Ovi–ის რებრენდინგზე.

წყარო: ელდარ მურტაზინის პირად/სოციალური დიღიური

Categories
Microsoft ბიზნესი

Microsoft — «ბრძოლას გადარჩენისათვის»

Microsoft ისევ აგრძელებს «ბრძოლას გადარჩენისათვის» და ამჯერად ის აპირებს კომპანია Google–ის შევიწროებას ჩინეთის საძიებო სისტემის ბაზარზე. ჩინეთის პრესაში გავრცელდა ინფორმაცია (Google Translate), რომ Microsoft ჩინეთის უდიდეს საძიებო სისტემა Baidu–სთან თანამშრომლობას გეგმავს, რომელიც Bing–ის სარეკლამო პარტნიორი გახდება, ხოლო თავად Bing ჩინელი მომხმარებლებისთვის ძიების შედეგების ინგლისურ ენაზე გაცემას უზრუნველყოფს.

შეგახსენებთ, რომ ცოტა ხნის წინ, Microsoft–მა Research in Motion–თან თანამშრომლობის შესახებ განაცხადა, რომლის თანახმად Bing Blackberry–ის სმარტფონებში ძირითადი საძიებო სისტემა გახდება.

Categories
Samsung ბიზნესი

სმარტფონების ბაზარის მოცულობა სწრაფი ტემპებით იზრდება

Apple–მა შესაძლოა Nokia–ს გაასწროს (Wu Kaixiang / Xinhua Press / Corbis–ის ფოტო).

კომპანია International Data Corporation–მა (IDC) სმარტფონების უმსხვილესი მწარმოებლების, პირველი კვარტლის, საბაზრო წილები შეაფასა.

იანვრიდან მარტის ჩათვლით, მთელს მსოფლიოში, სხვადასხვა OS-ის, 99,6 მლნ კომუნიკატორი გაიყიდა. ეს მაჩვენებელი, დაახლოებით, 80%–ით მეტია გასული წლის იმავე პერიოდთან შედარებით, როცა ბაზრის მოცულობა 55,4 მლნ ერთეულს შეადგენდა.

მიუხედავად იმისა, რომ Nokia ჯერჯერობით სმარტფონების უმსხვილეს მწარმოებლად ისევ რჩება, ამ კომპანიის წილი, ერთი წლის განმავლობაში 33,8%–დან 24,3%–მდე შემცირდა. პირველ კვარტალში, ფინურმა ვენდორმა, 24,2 «ჭკვიანი ტელეფონის» რეალიზება მოახერხა.

Nokia–ს სულ უფრო და უფრო უახლოვდება მეორე ადგილზე მყოფი Apple, რომელმაც გასულ კვარტალში 18,7–მლნ, სხვადასხვა მოდელის iPhone გაყიდა. დღეისათვის, სტივ ჯობსის კომპანიის წილი 18,7%–ს შეადგენს.

13,9 მლნ გაყიდული სმარტფონითა და ბაზრის 14,0%–ით, სამეულს კანადური კომპანია Research In Motion (RIM) ხურავს. ერთი წლით ადრე ეს კომპანია ბაზრის 19,1%–ს აკონტროლებდა.

ერთი წლის განმავლობაში Samsung–ის წილი 4,3–დან 10,8%–მდე გაიზარდა: სამი თვის განმავლობაში კომპანია ბაზარს 10,8 მლნ კომუნიკატორი მიაწოდა და დღეისათვის რეიტინგში მეოთხე ადგილზე იმყოფება.

HTC — მეხუთე: კომპანიამ 8,9 მლნ სმარტფონის რეალიზება მოახერხა და ბაზრის 8,9% დაიკავა.

სხვა დანარჩენი მწარმოებელი, ერთად, კომუნიკატორების მსოფლიო ბაზრის 23,2%–ს იკავებს.

წყარო: BusinessWire

Categories
Android Apple Microsoft ბიზნესი

Microsoft + Nokia + BlackBerry vs Google & Apple

Microsoft–ის გენერალური დირექტორი, სტივ ბალმერი (2011 წლის იანვარი; Jon Snyder / Wired.com–ის ფოტო).

ცნობილი გახდა, რომ Microsoft–ის Bing პასუხს აგებს ახალი BlackBerry–ების საძიებო სისტემაზე. აშკარაა, ამით  Microsoft–მა აღაირა ის ფაქტი, რომ მობილურების მსოფლიო ბაზარზე მარტო ვერასოდეს შეძლებს დაეწიოს ისეთ გიგანტებს როგორებიც არიან Google და Apple.

თუმცა შეძლებს კი Microsoft წარმატების მიღწევას, თუნდაც,  Nokia–სა და BlackBerry–ს დახმარებით?

გუშინ, BlackBerry World–ის კონფერენციაზე (3–5 მაისი, ორლანდო, ფლორიდა, ა.შ.შ) სტივ ბალმერმა კომპანია RIM–თან თანამშრომლობის შესახებ ოფიციალურად განაცხადა. «ჩვენ აუცილებლად ჩავდებთ ინვესტიციას BlackBerry–ის პლატფორმებში. მის მოწყობილობებში გამოყენებულიქნება Bing–ის საძიებო სისტემა და კარტოგრაფიული სერვისი…» ბოლოს მან დაამატა: «მე არასოდეს ვყოფილვარ ასეთი აღელვებული ჩვენს მომავალზე».

რა თქმა უნდა, ეს უკანასკნელი ფრაზა არ ეხებოდა მარტო მობილურ მოწყობილობებს. თუმცა, ესეც ძალიან ბევრს ნიშნავს და სასიცოცხლოდ მნიშვნელოვანია Microsoft–სთვის.

Microsoft–ის ბიზნესი და მოგება, ძირითადად, წარსულის დამსახურებებზე დგას და არა მომავლის პროექტებზე. კომპანიამ განაცხადა, რომ გასულ ფინანსურ კვარტალში, Office–ის წყალობით, დიდი ფინანსური მოგება ნახა, ხოლო Office Web Apps–ის განყოფილებამ კი კოლოსალური ზარალი განიცადა — $726 მლნ.

მომავალი — მობილური მოწყობილობები, სადაც Microsoft–ის გამოსვლას თითქმის არაფერი შეუცვლია. Windows Phone 7 ძალიან სუსტუ აღმოჩნდა, შესუსტდა ასევე მომხმარებელთა ინტერესი ამ OS-ის მიმართ.

Microsoft–ისა და Nokia–ს შეთანხმება — ეს არის Microsoft–ის თხოვნა დახმარებაზე. თუმცა Bing–ისა და Bing Maps–ის BlackBerry–მოწყობილობებში გამოყენება შესაძლოა შესანიშნავ პოტენციურ მოგებას ნიშნავდეს. ამას დამატებული ის შემოსავალი, რომელსაც Microsoft Nokia–ს სმარტფონებში Windows Phone 7–ის გამოყენებით მიიღებს.

მაგრამ, საკმარისია ეს ყველაფერი, სმარტფონების მსოფლიო ბაზარზე, Android–ისა და IOS–ის «დასაჩაგრავად»? ძალიან საეჭვოა. დღეისათვის (თუნდაც ახლო მომავალში) ფაქტია, რომ Nokia–სა და RIM–ის დევაისები რამდენიმე საფეხურით დაბლა დგანან Android–ის პლანშეტებთან და სმარტფონებთან, ასევე, iPhone–თან და IPAD–თან შედარებით.

რთული დასაჯერებელია, რომ Microsoft დაეწევა Google–ს ან Apple–ს. მაგრამ თუ Nokia და RIM შეძლებენ მის, თუნდაც, მესამე ადგილზე მყარად დამკვიდრებას, ესეც უკვე შეიძლება გამარჯვებად ჩაითვალოს.

Categories
Apple Samsung ბიზნესი

Galaxy S II-მა, კორეაში, წინასწარი გაყიდვების მოცულობით, iPhone 4–ს გაასწრო

ახალი ფლაგმანური სმარტფონის, Samsung Galaxy S II–ის გაყიდვები, სამხრეთ კორეაში, 25 აპრილს დაიწყო. გაყიდვების დაწყებიდან რამდენიმე დღით ადრე, სამი სამხრეთ–კორეული ოპერატორისგან, Samsung–მა 200 ათასი წინასწარი შეკვეთა მიიღო. პირველ 30 წუთში, დაახლოებით, 10 ათასი შეკვეთა გაფორმდა, ხოლო მომდევნო 64 წუთში მათი რაოდენობა გაორმაგდა.

შედარებისთვის: აგვისტოში Apple–მა კორეელებისგან iPhone 4–ის, მხოლოდ, 110 ათასი შეკვეთა მიიღო.

როგორც ჩანს, Galaxy S II–ის რეკორდს, საკმაოდ დიდი ხნის განმავლობაში, ვერცერთი მწარმოებელი ვერ მოხსნის, ხოლო წლის ბოლომდე 10 მლნ მოწყობილობის გაყიდვის გეგმა, სრულიად შესაძლებელია, რეალური გახდეს.

Categories
Apple Samsung ბიზნესი

ფიჭური აპარატების გაყიდვების მოცულობა 20 პროცენტით გაიზარდა

Kate Mitchell / Corbis–ის ფოტო.

კომპანია IDC–იმ მობილური ტელეფონებისა და სმარტფონების, 2011 წლის პირველი კვარტლის, მსოფლიო ბაზრის მონაცემები გამოაქვეყნა.

«ჭკვიან ტელეფონებზე» მოთხოვნების ზრდის ფონზე, ფიჭური აპარატების გაყიდვების მოცულობა 20%–ით გაიზარდა. თუ 2010 წლის პირველ კვარტალში 310,5 მლნ «ყურმილი» გაიყიდა, მიმდინარე წელს ამ მაჩვენებელმა 371,8 მლნ ერთეულს გადააჭარბა.

ფინური Nokia ისევ უმსხვილეს მწარმოებლად რჩება, თუმცა ერთი წლის განმავლობაში მისი საბაზრო წილი 34,7–დან 29,2%–მდე შემცირდა. სამი თვის განმავლობაში Nokia–მ 108,5 მლნ აპარატის რეალიზება მოახერხა.

მეორე და მესამე ადგილზე — სამხრეთ–კორეული მწარმოებლები Samsung და LG Electronics, შესაბამისად 18,8 და 6,6%. მთელი კვარტლის განმავლობაში ამ კომპანიებმა 70,0 და 24,5 მლნ მობილური ტელეფონი და სმარტფონი გაყიდეს.

Apple, რომელიც ბაზრის 5,0%–ს იკავებს, რეიტინგში მეოთხე ადგილზეა. კომუნიკატორ iPhone–ის კვარტალური გაყიდვები 114,9%–ით გაიზარდა და რეკორდულ მაჩვენებელს მიაღწია — 18,7 მლნ ერთეული.

15,1 მლნ გაყიდული «ყურმილითა» და ბაზრის 4,1%–ით, ხუთეულს ჩინური ZTE ხურავს.

სხვა დანარჩენმა კომპანიამ, საერთო ჯამში, 135 მლნ ფიჭური აპარატი გაყიდა, რაც ბაზრის 36,3%–ს შეესაბამება.

წყარო: IDC

Categories
ბიზნესი

მიმდინარე წლის პირველ კვარტალში Motorola–მ 250 ათასზე მეტი პლანშეტური კომპიუტერის, Xoom–ის, რეალიზება მოახერხა

Motorola Mobility–ს ხელმძღვანელი, სანჯაი ჯა (Market Playground–ის ფოტო).

კომპანია Motorola Mobility–იმ 2011 წის პირველი კვარტლის მუშაობის შედეგები გამოაქვეყნა.

ფიჭური აპარატებისა და პლანშეტების უმსხვილესმა მწარმოებელმა სამი თვის განმავლობაში $3,0 მლრდ–ის შემოსავალი მიიღო. 2010 წლის პირველ კვარტალთან შედარებით ზრდამ 22% შეადგინა. მობილური მოწყობილობებიდან მიღებული შემოსავალი, თითქმის, მესამედით გაიზარდა — $2,1 მლრდ–მდე; საოჯახო ელექტრონიკამ კომპანიას $904 მლნ მოუტანა, რაც გასული წლის რეზულტატთან შედარებით 8%–ით მეტია.

«მოტოროლას» სუფთა მოგების მოცულობამ, სამი თვის განმავლობაში, $81 მლნ–ს მიაღწია, ანუ 27 ცენტი ერთი ფასიანი ქაღალდი. შედარებისთვის: 2010 წლის პირველ კვარტალში ეს მაჩვენებელი $212 მლნ–ს შეადგენდა, ანუ 72 ცენტი აქციაზე.

იანვრიდან მარტის ჩათვლით, Motorola–მ მსოფლიო ბაზარს, საერთო ჯამში, 9,3 მლნ მობილური მოწყობილობა მიაწოდა, აქედან 4,1 მლნ სმარტფონი და 250 ათასზე მეტი პლანშეტური კომპიუტერი Xoom. 2011 წლის ბოლომდე კომპანია 1,5–დან 2,0 მლნ–მდე პლანშეტისა და 20–დან 23 მლნ–მდე მობილური მოწყობილობის რეალიზებას გეგმავს.

მიმდინარე კვარტალში, Motorola აპირებს დაუბრუნდეს მოგებას, რომელიც, ანალიტიკოსების აზრით, 12 ცენტს შეადგენს ერთ ფასიან ქაღალდზე.

წყარო: Motorola Mobility

Categories
ბიზნესი

Yahoo!–მ სერვისი Delicious YouTube–ს დამფუძნებლებს მიყიდა

YouTube-ის დამფუძნებლები, სტივ ჩენი (მარცხნივ) და ჩედ ჰარლი Webby Awards–ის დაჯილდოების 11–ე ცერემონიაზე (Webby Awards–ის ფოტო).

უახლოეს მომავალში ონლაინ სანიშნების პოპულარული სისტემა Delicious, რომელსაც მილიონობით მომხმარებელი ჰყავს მთელი მსოფლიოდან, შეიცვლის მფლობელს.

იუწყებიან, რომ Yahoo!, რომელმაც Delicious 2005 წელს დაუსახელებელ ფასად შეიძინა, სერვისის გაყიდვაზე უკვე მოელაპარაკა YouTube–ის დამფუძნებლებს, სტივ ჩენსა და ჩად ჰარლის. გარიგების თანხა უცნობია, თუმცა ადრე აცხადებდნენ, რომ რესურსი შესაძლოა $1 ან $2 მლნ–ად შეფასდეს.

ონლაინ სანიშნების სისტემა, ჩენისა და ჰარლის მიერ დაარსებულ, კალიფორნიული ინტერნეტ კომპანიის, AVOS–ის მფლობელობაში გადავა. Delicious–ის მომავალმა მფლობელებმა პირობა დადეს, რომ მთელი რიგი ინოვაციური ფუნქციონალის დამატებით სერვის «ახალ დონეზე» გადაიყვანენ.

Delicious–ის გაყიდვა Yahoo!–ს ინიციატივა იყო, რომელიც «დაბალეფექტური» ონლაინ სერვისების გაყიდვას გეგმავს. გასული წლის ბოლოს კომპანიამ მრავალი არაძირითადი სერვისი გაყიდვის შესახებ განაცხადა.

წყარო: ფრანც პრესი

Categories
Microsoft ბიზნესი

წელიწად ნახევარში Microsoft–მა Windows 7–ის 350 მლნ ლიცენზიის რეალიზება მოახერხა

სტივ ბალმერი წარადგენს Windows 7–ს (ნიუ–იორკი, ა.შ.შ, 2009 წლის 22 ოქტომბერი; Timothy A. Clary / AFP / Getty Images–ის ფოტო).

Microsoft–ის განცხადებით, ოპერაციული სისტემა Windows 7 პერსონალური კომპიუტერებისათვის ყველაზე სწრაფად გაყიდვადი პროგრამული პლატფორმა გახდა.

Windows 7–ის დაანონსებიდან (2009 წლის ოქტომბერი) წელიწად ნახევარში 350 მლნ–ზე მეტი ლიცენზია გაიყიდა. შედარებისთვის: იგივე პერიოდში, Microsoft–მა 180 მლნ Windows Vista–ს ლიცენზიის რეალიზება მოახერხა და დაახლოებით 130 მლნ — Windows ХР–ის.

Net Applications–ის შეფასებით, დღეისათვის Windows 7–ის საბაზრო წილი 24,2%–ს შეადგენს. ჯერჯერობით, პოპულარობით ეს OS Windows ХР–ის საგრძნობლად ჩამორჩება, რომელიც მსოფლიო ბაზრის 54,4%–ს ფლობს. რაც შეეხება Windows Vista–ს, მისი წილი 11%–ს არ აღემატება.

საერთო ჯამში, Windows-სისტემების სხვადასხვა ვერსიებზე ბაზრის, დაახლოებით, 90% მოდის. გავრცელებით მეორე PC-პლატფორმა — Apple Mac OS X — მხოლოდ 5,3%–ს ფლობს.

დღეისათვის, Microsoft ამუშავებს ახალ ოპერაციულ სისტემა Windows 8–ს, რომელიც როგორც მოსალოდნელია, Windows 7–ს მომავალი წლის მეორე ნახევარში შეცვლის.

წყარო: Guardian

Categories
Apple Samsung ბიზნესი

Samsung-მა Apple–ის პრეტენზიებს სასამართლოში შეტანილი საჩივრით უპასუხა

Apple-ს სვლაა (Aeromental-2–ის ფოტო).

კომპანია Samsung–მა შეასრულა დანაპირები და ინტელექტუალური საკუთრების ქურდობის ბრალდების საპასუხოდ Apple–ის წინააღმდეგ სასამართლოში სამი საჩივარი შეიტანა.

შეგახენებთ, რომ კონფლიქტი Apple–ის მხრიდან დაიწყო,  სტივ ჯობსის იმპერიამ სამხრეთ–კორეული კომპანია პლანშეტური კომპიუტერებსა და Galaxy სმარტფონებში დიზაინისა და სამომხმარებლო ინტერფეისის დაკოპირებაში დაადანაშაულა. «სამსუნგმა» მაშინვე მიანიშნა, რომ ამ პრეტენზიაზე პასუხის გაცემას არ დააყოვნებდა.

დღეისათვის Apple–ის წინააღმდეგ სარჩელი სამხრეთ–კორეაში, გერმანიასა და იაპონიაშია შეტანილი. ჯობსის კომპანია დადანაშაულებულია რამდენიმე პატენტის უფლების დარღვევაში, რომელიც მონაცემთა უკაბელო გადაცემას ეხება. კონკრეტულად, საუბარია სიგნალის გადაცემის დროს ენერგომოხმარების შემამცირებელ საშუალებაზე, შეცდომების კორექციასა და ა.შ.

Samsung–ის მტკიცებით, დაპატენტებული ტექნოლოგია არაკანონიერად გამოიყენება iPhone–სა და iPad–ში. კორეელები Apple–გან ფულად კომპენსაციასა და დაცული პროდუქციის მომავალში გამოყენების აკრძალვას მოითხოვენ.

წყარო: რეიტერი